【上水清濤苑｜實用面積375尺】 法式奶油風｜主人房趟窗加強採光｜仔女各有獨立房間｜開放式廚房｜2024新居屋｜6仔同你睇｜ скачать в хорошем качестве

【上水清濤苑｜實用面積375尺】 法式奶油風｜主人房趟窗加強採光｜仔女各有獨立房間｜開放式廚房｜2024新居屋｜6仔同你睇｜

--------------------------------------------- 相關相片：https://www.facebook.com/photo/?fbid=... _______________________________________ 今次嘅設計係用咗法式奶油風，喺唔同嘅櫃同牆上面配返黑色或者金色嘅光邊去突顯設計感。 入門口位一樣做返個高身嘅鞋櫃，放到鞋之餘上高仲可以放一啲雜物，而貴中間都留返一個可以放鎖匙嘅位置，沿着走廊位行入去就係大廳，左邊係囡囡嘅房間，右邊就係主人房。 _______________________________________ 雖然左右兩邊都揀咗房，但係大廳一樣保留到唔少嘅空間，足夠可以放得落梳化，而側邊嗰組收納櫃亦有巧妙之處，其中一部份嘅組件係一張伸縮餐枱，唔用嘅時候可以收返埋節省空間，亦都唔會阻住佢哋坐喺沙發睇電視。 _______________________________________ 大廳嘅左手邊就係主人房，趟門用咗條子玻璃面嘅設計，中間搭配咗一塊橢圓形木板裝飾，呢間主人房有一個好大嘅空間，有足夠嘅位置放到書枱之餘，同床之間都可以保留一段距離，而收納方面一定都做到足，書枱側邊都有可以放書嘅空間，除咗床尾嘅大衣櫃之外，喺床上方都有一組儲物櫃連同展示櫃，可以俾佢放下其他唔同嘅雜物。 _______________________________________ 對住主人房嘅另一邊就係囡囡嘅房間，用咗一個上床下衣櫃嘅擺位，就可以足夠俾佢有一個書枱同埋多啲收納空間，因為囡囡都需要多啲位置去放佢唔同嘅靚衫，書枱側邊嘅櫃亦都好足可以俾佢放到返學用嘅書，下低書枱嘅效果燈亦都好充足，就算夜晚喺房間度睇書或者用電腦都可以有好好嘅照明。 _______________________________________ 隔咗電視機牆嘅另一邊就係囝囝嘅房間，佢喺房間就用返比較深嘅顏色，因為男仔始終都鍾意深色多啲，同主人房一樣有一組櫃喺床上面，囝囝都可以放下啲模型喺展示櫃，呢間房特別為囝囝造咗張伸縮枱，因為呢個區域分別揀咗兩間房，喺有限嘅空間裏面，囝囝都需要有自己嘅書枱放得落電腦同埋睇書，所以我哋就諗到用一個伸縮書枱嘅設計。 _______________________________________ 返返去入門口位嘅左手邊就係一個開放式廚房，呢個設計最好就係可以保留更加多嘅空間，做到分別上下嘅櫥櫃，側邊仲留咗一個位俾佢放洗衣機，廚房成個配色都係同成間屋個色調配合返，但係下低嗰組櫃就用咗木紋，令到視覺上唔會覺得咁單調，有一啲自然風嘅感覺。 _______________________________________ 整體嚟講呢間屋嘅法式奶油風，俾人一種優雅嘅感覺， 為咗更加突顯呢種氛圍，分別喺主人房同廳都用咗特別嘅燈光造型，成間屋嘅燈光都係好足夠，俾人一種光猛得來又好舒適嘅視覺效果。 ----------------------------------------------- 想睇更多裝修案例同埋小貼士💡？即刻Follow我地啦～ ------------------------------------------------ 如果有任何查詢或者關於裝修設計嘅問題，歡迎DM或者👇聯絡我地： ☎️ Tel: 852 5232 3202 📱 WhatsApp: https://wa.me/85252323202 🎬: YouTube: https://bit.ly/3qOHaSs 🌐 網站：dwh.com.hk ✉️ 電郵: [email protected] #2024居屋 #室內設計 #簡約家居 #設計首選 #家居裝修 #公屋裝修 #辦公室裝修 #居屋裝修 #私人樓 #唐樓 #香港裝修 #住宅裝修 #2025新居屋 #裝修 #裝修工程 #海達邨 #傢俬訂做 #裝修介紹 #全屋裝修 #工廈裝修 #寫字樓裝修 #地板翻新 #新居屋 #舊樓翻新 #上水清濤苑 #富蝶邨 #公屋翻新 #青衣長安邨 #夢格6仔