"UĞUR ƏNGƏL TANIMIR" Sosial video çarx скачать в хорошем качестве

"UĞUR ƏNGƏL TANIMIR" Sosial video çarx

Fərqli fərdlərin səsi olan "UĞUR ƏNGƏL TANIMIR" sosial videoçarxı təqdim olunub Hər bir cəmiyyətin inkişafı düzgün qoyulan və onu inkişafa aparan təməldən asılıdır. Möhkəm bünövrə isə düzgün tərbiyə edilən uşaqlardan başlayır. Təsadüfi deyil ki, uşaq və gənclərin inkişafı gələcəyə qoyulmuş sərmaye hesab edilir. Biz parlaq gələcəyimizi bu gün atdığımız addımlarla təmin edə bilərik: sağlamlıq imkanlarından, dinindən, milli mənsubiyyətindən asılı olmayaraq bütün uşaqlara eyni nəzərdə baxmaqla, onların öz hüquqlarından bərabər səviyyədə yararlanmasına nail olmaqla. Uşaq hüquqlarının müdafiəsi, onların layiqli insan kimi yetişməsi, zəruri ehtiyaclarının dolğun şəkildə ödənməsi Azərbaycanda həyata keçirilən dövlət siyasətinin prioritet istiqamətlərindən birinə çevrilib. Uşaqlarla bağlı siyasətin əsası Ümummilli Lider Heydər Əliyev tərəfindən qoyulub. Bu məqamda Ulu Öndərin "Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır." kəlamını xatırlamaq yerinə düşər. Hazırda humanizmə əsaslanan həmin siyasəti Prezident İlham Əliyev inamla davam etdirir və artıq dövlət uşaq siyasəti milli strategiya kimi formalaşmaqdadır. Həssas təbəqədən olan sağlamlıq imkanları məhdud uşaqlara qayğı, onların sosial müdafiəsinin gücləndirilməsi isə dövlət siyasətinin mühüm istiqamətlərindən biridir. Həmin uşaqların reabilitasiyasına, cəmiyyətə inteqrasiyasına hesablanmış tədbirlər getdikcə onların məhdudiyyətlərini kölgədə qoyur, hətta xüsusi bacarıqlarını üzə çıxarır. Onlar üçün həmyaşıdları ilə birgə bərabər imkanlara malik mühitin təşkil edilməsi həmin uşaqların özlərini cəmiyyətdən təcrid etməsinin qarşısını alır. Onlar cəmiyyətin fərqli fərdləridir. Onların da arzuları, gələcəkdə özlərini gördükləri peşələr, hətta ölkəmizi beynəlxalq arenalarda uğurla təmsil edə biləcəkləri sahələr var. Odur ki, sağlamlıq imkanları məhdud uşaqların real həyata uyğunlaşmasına, müstəqil yaşam vərdişlərinə yiyələnməsinə və bacarıqlarını nümayiş etdirmələrinə hər birimiz dəstək verməliyik. "EMEDIA GROUP" Media Təşkilatıın rəhbərliyi və "ALIOGLU" Media groupun lentə alaraq ərsəyə gətirdiyi həyata keçirdiyi "UĞUR ƏNGƏL TANIMIR" layihəsinin də məqsədi 1 İyun Uşaqların Beynəlxalq Müdafiəsi Günündə bütün uşaqların bərabərhüquqlu olduğunu bir daha göstərmək və fərqli fərdlərimizin heç bir məhdudiyyətin uğura əngəl olmadığı mesajını cəmiyyətə çatdırmaqdır. Layihə çərçivəsində hazırlanan "UĞUR ƏNGƏL TANIMIR" videoçarxında yer alan autizm spektr pozuntusundan, Daun sindromundan, kistik fibrozdan əziyyət çəkən və koxlear implantlı uşaqlar sağlamlıq imkanları məhdud uşaqların səsi oldular. Bu, uğura gedən yolda məhdudiyyətləri aşmağın mümkün olduğuna edilən çağırışın sadəcə təməlidir. Biz cəmiyyətə öz səsimizi müxtəlif dövlət qurumlarının iştirakı ilə layihənin əsas hissəsində - iyunun 15-də Milli Qurtuluş Gününə həsr olunan "Uşaqlar bizim gələcəyimizdir" mövzusunda konfransda çatdırmağa çalışacağıq.