Të Pasurit | Mohammed bin Salman | Ngritja e një princi saudit, diktator apo reformator | Top News скачать в хорошем качестве

Të Pasurit | Mohammed bin Salman | Ngritja e një princi saudit, diktator apo reformator | Top News

Me mijëra princa dhe një pasuri kolektive që vlerësohet se shkon deri në 2 trilionë dollarë, anëtarët e familjes mbretërore saudite mund të jenë aristokratët më të fuqishëm në botë. Al Saudët, rrjedhin nga sundimtarët e viteve 1700, por familja moderne rrjedh nga Abdul Aziz Bin Abdul Rahman bin Faisal, i njohur në perëndim si Ibn Saud, që themeloi mbretërinë e Arabisë saudite dhe sundoi nga viti 1902 deri në 1953. Vrasja e gazetarit Jamal Khashoggi, në 2018, që CIA thotë se është urdhëruar nga princi i Kurorës, Mohammed Bin Salman, e ka vënë një nga familjet më të pasura në botë, në shënjestër të polemikave edhe një herë tjetër. Familja mbretërore e arabisë saudite përfshin rreth 15 mijë anëtarë, përfshirë 4 mijë princa që shërbejnë në një numër pozicionesh qeveritare, në krye të bizneseve dhe në organet këshilluese. Mbreti aktual, Salman, është djali i gjashtë i Ibn Saud, dhe erdhi në pushtet në 2015. Ai ka qenë kryesisht një tradicionalist, kundërshton vendosjen e demokracisë dhe refuzon të heqë dorë nga dënimet e rënda përfshirë dënimet me burg dhe rrahjen me kamzhik për blasfemi. Sidoqoftë, vitet e fundit, është spekuluar se sundimtari de facto i mbretërisë është djali i tij Mohammed bin Salman, që është zgjedhur princi i kurorës në 2017 ka iniciuar një numër reformash, përfshirë ndryshimin e ligjit për të lejuar gratë në timon. Princi po ashtu ka kufizuar fuqinë e policisë fetare dhe ka shtuar aksesin e grave në arenën kulturore të vendit, përfshirë koncertet dhe ndeshjet e futbollit. Sidoqoftë, Mohammed Bin salman, edhe është kritikuar për raprezalje mbi protestat për të drejtat e njeriut dhe një rritje të agresivitetit në politikën e jashtme që ka bërë që arabia saudite të ndërhyjë edhe në konfliktin civil në jemen, me pasoja shkatërrimtare humanitare. Që nga 2017, ai ka mbjellë edhe ndasi në familjen mbretërore, përfshirë një fushatë ndëshkimore me konfiskim asetesh të qindra anëtarëve të saj, nën emrin e korrupsionit, si edhe ka arrestuar disa mbretërorë të lartë që besohet se kundërshtonin fuqinë në rritje të princit të kurorës. Vrasja e Khashoggit vuri në pikëpyetje akoma më shumë tendencat reformiste të Princit Mohhamed, edhe pse ai ka mohuar përfshirjen. Pesë persona janë dënuar me vdekje në lidhje me vdekjen e gazetarit por jetët e tyre u kursyen pasi familja e Khashoggit i fali ata. E vlerësuart si familja mbretërore më e pasur në botë, ka qenë historikisht e vështirë të përcaktohet niveli i saktë i pasurisë së al Saudëve, por sipas Bloomberg, ata së bashku, vlejnë më shumë se 95 miliardë dollarë. Ndërsa vitin e kaluar, CNBC vlerësonte se pasuria neto e familjes është rreth 1.4 trilionë dollarë. Në kontrast të dukshëm, pasuria neto e familjes mbretërore britanike, është vlerësuar nga revista Forbes, të jetë 88 miliardë dollarë. Sidoqoftë, pasuria e mbretërorëve britanikë është e bazuar kryesisht mbi pronësi tokash ndërsa ajo e familjes al Saud është e ngritur mbi naftën, dhe kontrollin e tyre të politikës dhe bizneseve saudite, përfshirë një lidhje të ngushtë me gjigandin Aramco, cka e bën më të vështirë gjurmimin e plotë të të ardhurave të tyre. Mbreti salman, vlerësohet se ka një pasuri personale prej 18 miliardë dollarësh ndërsa pasuria e princit të kurorës vlerësohet nga 1-5 miliardë dollarë. Ata janë vizionarë, jane guximtarë, kthejnë në ar çdo gjë që prekin. Shpesh ëndërrimtarë e këmbëngulës... Ndonjëherë të përkëdhelur nga fati, ndonjeherë të ngritur nga hiçi... Janë ata që kanë ngritur perandori miliarda dollarëshe, ata që kryesojnë klasifikimet e më të pasurve të globit... Janë ata qe nuk dinë tv ndalen e kërkojnë akoma më shumë… Njihuni me më TE PASURIT e planetit! Rubrika më e re në Top News Çdo të Shtunë, Ora 17:15 Autore: Ardita Beçolli. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TePasurit#TopChannel