Жүректің соқыр болуы. Үшінші бөлімі. скачать в хорошем качестве

Жүректің соқыр болуы. Үшінші бөлімі.

0:00 Әбутәліптің қолдауы Мұхамбеттің жақтастары көбейе бастады. Енді онымен Меккенің бай-шонжарлары санасатын болды. Себебі мұсылмандар ойға жүйрік, сөзге шешен болып шыға келетін. Діни айтыс-тартыста Құранды жатқа соғып, қарсыласын жер қылатын. Олармен айтысқанда менмін деген кахин мен ақындардың аузына құм құйылатын. Бұл бетімен кете берсе, Мұхамбеттің ықпалы күшейетінін түсінді. Олар ұшқыннан от өршімей тұрғанда оны дереу өшіріп тастауды қолға алды. Сөйтті де, атасы Әбутәліпке барып арыз қылды. 3:30 Қысымның күшеюі Жоқтаушысы жоқ, әлсіз момындарды оңашада ұстап алып сабау белең алды. Солардың бірі Біләл еді. Ол Ұмая деген байдың құлы болатын. Бір күні иесі оның Мұхамбеттің үйіне барып, Құран үйреніп жүргенін біліп қойды. Оны аптап ыстықта қол-аяғын байлап әбден қорлады. Көкірегіне үлкен тас бастырып қинады. 5:31 Хабаш патшасының пана болуы Меккедегі қысым күн санап күшейе берді. Паналайтын ірі туысы жоқтарға күн көрсетпеді. Пайғамбар оларды Хабаш еліне жіберуге мәжбүр болды. Османды басшы етіп, он бес адам жолға шығады. Артынан Жапар бастаған бір жүз үш адам және көшті. Олар Хабаштың патшасы Нәжаждан пана сұрады. 7:26 Жын патшасының пайғамбарды мойындауы Бір күні пайғамбарға бөтен адам келіп, тағзым етті де, Расулдың қолын сүйді. Расул: – Сен кімсің? – деп сұрады. Ол: – Мен жын нәсілімін, – деді. – Мұнда неғып жүрсің? – Пайғамбарлық қонғалы сені сырттай бақылап жүрмін. Құранды тыңдадым. Сенікі хақ дін. Бүгін Қағбада пұттарды сөйлетіп, бәріңді арандатқан кәпір жынның бірі еді. Жаңа ғана көп жынның көзінше мен оның басын шаптым. Бұдан былай саған жындар зиян қылмайды, - деп кәлима шаһадат айтты. 10:43 Хамзаның надандарды сабауы Інісін надандардың жабыла сабағанын естіп, Хамза Қағбаға тартты. Әбужәһіл Хамзаны көргенде екі тізесі дірілдеп кетті. Бірақ қасындағы нөкерлеріне сеніп, сыр бермей тұрды. Хамза келген беттен ақырып: – Мұхамбетке қол көтергендерің бері шығыңдар! Сендер немене, сұрауы жоқ деп басынғыларың келе ме?! Жалғызға жабылған шибөрілер, мен сендерді тура осы жерде біртіндеп тураймын қазір. Керек болса, пұттарыңмен қосып талқандаймын! – деді де, сегіз өрме бұзау тіс қамшысын қонышынан суырып алды. 14:30 Омардың мұсылман болуы Меккеде жүрегі жаудан қайтпаған екі батыр бар еді. Бірі – Хамза, екіншісі – Хаттаптың ұлы Омар. Бұл кезде Мекке қоғамы екіге жарылып тұрған. Хамзаның оқиғасынан соң залымдар енді Мұхамбетті оңай мұқата алмайтындарын түсінді. Тіпті онымен ойнау қауіпті болды. Енді олар Хамзамен күші тең келетін жаужүрек батыр іздеді. Олар Омарды айдап салудың бүкіл айла-шарғасын ойластыра бастады. 19:24 Қилы кезең Меккедегі ең ықпалды тайпа көсемдері бірауыздан бірікті. Олар «Мұсылмандармен сөйлеспейміз, оларға қыз бермейміз, қыз алмаймыз. Керуендері тоналса, жәрдемге әскер шығармаймыз. Сауда-саттық, алыс-беріс болмайды. Қарызға ақша сұраса, он есе өсіммен қайтартамыз» деп уағдаласты. Қырық адам қол қойып, бұл келісімшартты кәдімгі күші бар құжаттай етіп, қорапқа салды да, Қағбаның қабырғасына ілді. 25:43 Қысым құжаты күшін жойды Екі жыл бойына Меккенің шонжарлары «Мұхамбеттің сағы сынады» деп күтті. Олар басында «Қу тамақ не істетпейді? Көріңдер де тұрыңдар. Қарны ашқан соң, дінін тәрк етіп шыға келеді. Бізде бар құлқын Мұхамбетте жоқ деп кім айтты? Ораза, намазды тоқтықта ұстап жүр» деп сенімді жүрген. Керісінше, екі жыл бойына момындардың сірескен қалпы сыр бермей отыруы Меккедегі талай адамның құрметін оятты. Мұхамбеттің қайсар рухы мен сынбайтын сабыры ақыры жеңді. 28:20 Пайғамбардың Айды жару мұғжизасы Пасықтар бір күні жиналып келіп: – Ей, Мұхамбет, шын пайғамбарға Алла мұғжиза береді. Мұса теңізді жарған, Сүлеймен жындарға сарай салдырған, Ғайса өлікті тірілткен, Дәуіт таумен тілдескен. Сенде оның бірі жоқ. Он жыл болды құр Құраныңды оқып жүрсің. Елдің берекесін алып біттің. Екіге жарылған жұрт әбден титықтап болды. Сенің кесіріңнен аталас туыстар аралас-құраластан қалды. Не де болса, бір жағына шығайық. Айды жарып, хақ пайғамбар екеніңді көрсет. Қолыңан келсе, мойындаймыз, - деді. 32:59 Жүректің соқыр болуы Залымдар сөзінде тұрмады. Ай екіге жарылса да, ештеңе өзгермеді. Қырсық-қыңырлар Мұхамбетті сол күйі мойындаған жоқ. Теке-тірес, кекетіп-мұқату, аяқтан шалу, қорлау, өлең шығарып, өсек тарату жалғасып жатты. Миға сыймас мұғжиза көрсетсе де, адамдар ақиқатты мойындамады. Бұл Құзайпа есімді жігітті қатты ойға қалдырды. Ол пайғамбарға келіп, мұның мәнісін сұрады. 38:19 Бес өсекшінің хәлек болуы Меккеде пайғамбармен өлердей өштескен бес өлеңші болды. Олардың Алланың елшісімен жауласатын жөні бар еді. Себебі олар құрметті ақын атанып, той-думанның сәні болатын. Құран түскелі олардың өлеңдері бұрынғыдай мақталмайтын болды. Одан бөлек пайғамбарға «Ана шайырларға жоламаңдар. Олар ауызбен айтқандарын өздері істемей, сай салада сайрандап жүреді» деген аят түсті. Осыдан соң кектенген өлеңшілер пайғамбарды «жәдігөй сиқыршы» деп өлең шығарып, тынымсыз таратуға көшті. ‪@aslanm3845‬