Sukaasat mineraliusut asseqanngilluinnartut Ikkamiittut скачать в хорошем качестве

Sukaasat mineraliusut asseqanngilluinnartut Ikkamiittut

Arsuup eqqaani sukaasat ikaitit qaqutigoortut akornanni pinngortitami pissuseqatigiit asseqanngitsumik ataqatigiinnerat ilisimatusartunit nuannaarutigineqarpoq. Sukaasani asseqanngilluinnartuni soqutiginaqisunik uumasoqarlunilu naasoqarnera immap iluani videuliani nutaani takuneqarsinnaavoq. Arsuup eqqaani kangerluup Ikkap naqqanit sukaasat 1000-it missaanniittut naqqanit puttussuussimapput. Immap iluani napasuliarsuartut ittut taakku Kalaallit Nunaanniittut nunarsuarmi tamarmi asseqanngillat. Sukaasat mineraliusut taakku 20 meterisut portutigilersinnaapput 8 meterisullu silitsigilersinnaallutik, assigiinngisitaartunillu uumasoqarlutillu naasoqarput. 1995-imiilli suliniummi IKKA-mi nunat tamalaat suliaqarfiillu assigiinngitsut akornanni suleqatigiissutigineqartumi sukaasat mineraliusut kangerlummi Ikkami Arsuup eqqaaniittut misissuivigineqarput. Sukaasat mineraliupput ikaitit. Minerali taanna qajannartuuvoq taamaallaat immami tarajuusumi 6 gradit missaattut nillertigisumi piusinnaasoq. Ataannarsinnaanersut nalorninarsisimagaluarpoq, maannali ilisimatusartut suliniuteqaqataasut isumalluarnartunik oqaluttuassaqalersimapput. ”Paasivarput imaq nillaarisseqqissimasoq, qerilerfik angunngitsiaannaramiuk. Ukiuunerani anorersuartarneratigut kangerlummi Ikkami imaq taarseriartuaarsimavoq, sukaasat naggorisserpasipput uumasullu atugarissaarpasilerlutik – ilisimatusartut aqqartartullu nuannaarutigingaagaannik,” Gabrielle J. Stockmann oqaluttuarpoq. Taanna 1995-imi misissuinerit siulliit nalaanni tamaani aqqaqataaqqaarsimavoq. Ullumikkulli inuuniutigalugu immap iluani assiliisartut videuliortorineqartarput. Video credit: Uli Kunz, SUBMARIS.