習近平如何中咗 Trump 嘅計 黃世澤澤論四方 2025年4月4日 скачать в хорошем качестве

習近平如何中咗 Trump 嘅計 黃世澤澤論四方 2025年4月4日

#Trump #習近平 #美國 Trump 嘅地圖炮式關稅，當然相當有風險，甚至喺某啲人眼中，係愚蠢嘅復古措施。只不過，當中國急不及待要報復，收番34%關稅嘅時候，習近平不自量力嘅舉動，其實係中咗某啲人嘅計。當你了解對中國嚟講，呢場根本係金融戰嘅時候。其實呢次關稅混戰嘅第一個輸家，已經寫咗喺牆上面。 Trump 真正目標 首先，依家中國最大弱點其實喺主權評級上面，中國嘅債務危機只要一加深，成個經濟就會出現嚴重問題，由於中國有恆大、海航一類敗家公司，所以喺主權評級呢方面，其實一啲都輸唔起。以中國依賴出口賺取外匯嘅經濟結構，只要喺對美出口有任何風吹草動，信貸評級公司有理由去調低中國嘅主權評級，中國嘅銀行就會出現大問題，甚至連購買大宗商品都有融資困難，屆時就會大禍臨頭。 因此，中國依家無任何條件向 Trump 報復，中國依家只能夠係盡快履行第一次貿易戰上面答應嘅條款，並學越南咁樣，盡快派人去華府講和。 問題係中國以為自己好有條件對美國報復，特別華爾街股市呢幾日係咁跌，個市咁跌法真係有一定政治風險，至少共和黨內啲國會議員都會怕兩年後嘅中期選舉大敗，因此會令Trump收歛，但依家Trump啱啱重新上台，仲有時間去俾佢拯救民望，至少喺頭一百日，Trump係交咗好多功課，令佢嘅民望反而仲升唔少，佢有呢個底去輸。所以中國居然喺歐盟都未有種去加關稅報復，就一馬當先加番美國34%關稅。喺惠譽已經將中國信貸評級下調果陣咁賭法，只要穆迪或標準普爾是但一個跟進，大家可以諗到後果有幾嚴重。 簡單嚟講，Trump係要發動一場金融風暴，美國跌市係預咗，但由於美國產業結構堅挺，所以佢相信美國有能力承受呢一下七傷拳嘅攻擊。而中國其實一早產業結構空蕩，你睇中國要靠啲e-Commerce公司鑽小郵包嘅漏洞賺外匯就知。依家中國更加唔可能有出口，出口收入大減嘅情況下，其實信貸評級公司迫住調低中國評級係必然，始終呢啲公司都要為客戶嘅利益負責。所以大家都可以有眼見，究竟有乜嘢結果。 所以當習近平繼續當政，而佢身邊無任何可以阻止佢做蠢事嘅話，中國陷入金融風暴造成嘅大崩潰係必然，爭在呢場風暴最後會否迫到習近平提早鋌而走險攻打台灣，令中國陷入最終毀滅之中。其實呢度成日講嘅乜爆，亦都係呢個原因。中國本來產業結構就已經充滿隱患，之後只要外力針對中國產業結構嘅弱點作出各類限制，加上獨裁體制遠比民主體制缺乏自我修正機制，只要當政嘅人做咗蠢事無法阻止，中國就肯定萬劫不復，件事其實十分之簡單易明。 對於仲喺香港嘅人，點解除咗走乜都無得做，因為習近平係形同自毀，但試問邊個可以阻止佢去自毀，所以離開呢個戰場係唯一可以做，依家中國最大嘅敵人並唔係Trump，甚至Trump喺部分美國人眼中，佢至係真正美國敵人。依家中國最大敵人係習近平，而當今之世，中共黨內並無第二力量去擊敗習近平，所以大家可以睇到呢一兩年，中國喺Trump嘅一連串措施下自毀，依家大家可以明白，點解Trump可以咁自信訂定總統山其中一個位置俾自己。 #USA #中國 #China #關稅 #tariffs #評論 #4K #黃世澤 https://martinoei.com/