Full Storyline 18 | ភពក្រៅប្រព័ន្ធព្រះអាទិត្យ តើពិតជាអាចមានមនុស្សក្រៅភព? Planet 9 ទ្រឹស្តីចលនារបស់ភព скачать в хорошем качестве

Full Storyline 18 | ភពក្រៅប្រព័ន្ធព្រះអាទិត្យ តើពិតជាអាចមានមនុស្សក្រៅភព? Planet 9 ទ្រឹស្តីចលនារបស់ភព

Planet 9៖ អាថ៌កំបាំងជុំវិញភពទី៩ #ប្រព័ន្ធព្រះអាទិត្យ #ចក្រវាល ភពនៅប៉ែកខាងក្រៅប្រព័ន្ធព្រះអាទិត្យ ដែលពេលខ្លះត្រូវបានគេហៅថា Planet X ឬ Planet 9 តែងតែជាអាថ៌កំបាំងដ៏ចម្បងមួយ ហើយក៏តែងតែមានជាប់ពាក់ព័ន្ធផងដែរទៅនឹងពាក្យចចាមអារ៉ាម អំពីការរលត់រលាយផែនដី។ តើភពទី៩នេះពិតជាមានពិតប្រាកដមែន ឬក៏គ្រាន់តែជាអបិយជំនឿ? តើគេអាចរកឃើញភពក្រៅប្រព័ន្ធព្រះអាទិត្យដោយរបៀបណា? #ជីវិតក្រៅភព #ចក្រវាល ដើម្បីឆ្លើយទៅនឹងសំណួរថា តើនៅក្នុងចក្រវាលនេះមានតែយើង ឬក៏អាចមានជីវិតនៅកន្លែងផ្សេងទៀត អ្នកវិទ្យាសាស្រ្តផ្តោតការសិក្សាលើចំណុចដ៏ចម្បងមួយ គឺការស្វែងរកភពក្រៅប្រព័ន្ធព្រះអាទិត្យ (Exoplanet) ហើយនៅក្នុងការស្វែងរកភពក្រៅប្រព័ន្ធព្រះអាទិត្យនេះ មានតេឡេស្កុបដ៏ជំនាញមួយ គឺតេឡេស្កុបអវកាសកេព្ល័រ (Kepler Space Telescope)។ ភពក្រៅប្រព័ន្ធព្រះអាទិត្យបែបណាដែលអាចមានលក្ខខណ្ឌអំណោយផលដល់ជីវិត? នៅក្នុងការស្វែងរកជីវិតក្រៅភព អ្នកវិទ្យាសាស្រ្តផ្តោតជាចម្បងលើការស្វែងរកភពក្រៅប្រព័ន្ធព្រះអាទិត្យទាំងឡាយណា ដែលអាចមានលក្ខខណ្ឌអំណោយផលដល់ជីវិត។ ក៏ប៉ុន្តែ សំណួរសួរថា តើអ្វីទៅជា « លក្ខខណ្ឌដែលអំណោយផលដល់ជីវិត »? តើមានភពក្រៅប្រព័ន្ធព្រះអាទិត្យប៉ុន្មានដែលគេបានរកឃើញ? #ជីវិតក្រៅភព #ចក្រវាល គ្រាន់តែនៅក្នុងកាឡាក់ស៊ីមីលគីវេរបស់យើងនេះមួយ មានផ្កាយរហូតដល់ទៅជាង ១០០ពាន់លានដួង។ បើគ្រាន់តែក្នុងចំណោមនោះ មានតែមួយផ្នែកតូចណាមួយ ជាប្រព័ន្ធផ្កាយដែលមានភពនៅជុំវិញ កាឡាក់ស៊ីរបស់យើងនេះអាចនឹងមានភពរហូតដល់ទៅរាប់ពាន់លានឯណោះ។ នេះគឺជាការប៉ាន់ស្មាន។ ចុះជាក់ស្តែងវិញ តើគេបានរកឃើញភពក្រៅប្រព័ន្ធព្រះអាទិត្យប៉ុន្មានមកហើយ? តើភពទាំងនោះមានលក្ខណៈពិសេសអ្វីខ្លះ? TRAPPIST-1 ៖ ប្រព័ន្ធផ្កាយដែលមានភព៧ស្រដៀងនឹងផែនដី នៅក្នុងការសិក្សាទៅលើចក្រវាល កាលណានិយាយអំពីភពក្រៅប្រព័ន្ធព្រះអាទិត្យ ដែលមានលក្ខណៈស្រដៀងនឹងផែនដី ហើយដែលមានសក្តានុពល សម្រាប់ការស្វែងរកជីវិតក្រៅភព មានប្រព័ន្ធផ្កាយមួយ ដែលគេនាំគ្នាផ្តោតការយកចិត្តទុកដាក់ខ្លាំងបំផុត គឺប្រព័ន្ធផ្កាយ ដែលគេឲ្យឈ្មោះថា Trappist-1។ #Trappist1 រកឃើញភពស្រដៀងផែនដីទីពីរក្នុងប្រព័ន្ធផ្កាយតែមួយ កាលពីថ្ងៃទី១០មករា២០២៣ អ្នកវិទ្យាសាស្រ្តរបស់ទីភ្នាក់ងារណាសាបានប្រកាសឲ្យដឹងថា គេបានរកឃើញភពស្រដៀងនឹងភពផែនដីមួយទៀត ស្ថិតនៅក្នុងតំបន់អំណោយផលដល់ជីវិត (Habitable Zone) នៅក្នុងប្រព័ន្ធផ្កាយតែមួយ ដែលគេធ្លាប់បានរកឃើញភពស្រដៀងផែនដីមួយរួចហើយ កាលពីពេលកន្លងទៅ គឺប្រព័ន្ធផ្កាយ ដែលគេឲ្យឈ្មោះថា TOI 700 ស្ថិតនៅចម្ងាយប្រមាណជា ១០០ឆ្នាំពន្លឺពីផែនដី។ #ភពក្រៅប្រព័ន្ធព្រះអាទិត្យ #ជីវិតក្រៅភព #ចក្រវាល រកឃើញភពក្រៅប្រព័ន្ធព្រះអាទិត្យពីរដែលមានធាតុផ្សំជាទឹកស្ទើរសុទ្ធសាធ កាលពីពេលកន្លងមក យើងធ្លាប់ស្គាល់តែភពពីរប្រភេទតែប៉ុណ្ណោះ គឺភពសិលា និងភពឧស្ម័ន។ កាលពីពេលថ្មីៗនេះ អ្នកវិទ្យាសាស្ត្របានរកឃើញភពប្រភេទថ្មីមួយទៀត ស្ថិតនៅក្រៅប្រព័ន្ធព្រះអាទិត្យ គឺភពទឹក (ភពដែលមានធាតុផ្សំភាគច្រើនលើសលុបជាទឹក)។ ភពប្រភេទថ្មីនេះ ត្រូវបានគេរកឃើញនៅក្នុងប្រព័ន្ធផ្កាយ ឈ្មោះ Kepler-138។ #ភពក្រៅប្រព័ន្ធព្រះអាទិត្យ #ជីវិតក្រៅភព #ចក្រវាល ទ្រឹស្តីរបស់យ៉ូហាណេស កេព្ល័រ ស្តីពីចលនារបស់ភព នៅក្នុងប្រព័ន្ធព្រះអាទិត្យរបស់យើងនេះ ភពទាំងអស់មានចលនាវិលជុំវិញព្រះអាទិត្យ នៅក្នុងទិសដៅបញ្ច្រាសនឹងទ្រនិចនាឡិកា ហើយយើងក៏ដឹងផងដែរថា ភពនីមួយៗមានចម្ងាយពីព្រះអាទិត្យ ទម្រង់គន្លង និងរយៈពេលមួយជុំព្រះអាទិត្យជាក់លាក់។ យើងអាចដឹងរឿងទាំងអស់នេះបាន តាមរយៈទ្រឹស្តីរបស់អ្នកប្រាជ្ញអាល្លឺម៉ង់ដ៏សំខាន់មួយរូប នៅក្នុងប្រវត្តិសាស្រ្ត គឺ យ៉ូហាណេស កេព្ល័រ (Johannes Kepler)។ តើពិតជាអាចមានមនុស្សក្រៅភពមែនឬ? #វិទ្យាសាស្ត្រ #ជីវិតក្រៅភព #ចក្រវាល #វិទ្យាសាស្ត្រ #ជីវិតក្រៅភព #ចក្រវាល នៅក្នុងចក្រវាលរបស់យើងនេះ មានកាឡាក់ស៊ីរហូតដល់ទៅរាប់រយពាន់លាន ហើយក្នុងកាឡាក់ស៊ីនីមួយៗមានផ្កាយដូចជាព្រះអាទិត្យរបស់យើងនេះរហូតដល់ទៅរាប់រយពាន់លាន។ ប្រសិនបើផ្កាយមួយដួងស្មើនឹងខ្សាច់មួយគ្រាប់ បើទោះបីជាយើងអាចរាប់ចំនួនគ្រាប់ខ្សាច់នៅគ្រប់ឆ្នេរនៅទូទាំងភពផែនដីទាំងមូល ក៏នៅមិនទាន់អាចស្មើនឹងចំនួនផ្កាយ នៅក្នុងចក្រវាលនៅឡើយផង។ សំណួរចោទឡើងថា តើក្នុងចក្រវាលដ៏មហាធំធេងនេះ ភពផែនដីយើងជាកន្លែងតែមួយគត់ដែលមានជីវិត ឬក៏ជីវិតអាចមាននៅកន្លែងផ្សេងទៀត? អាល់ហ្វាសិនថូរី ៖ ផ្កាយនៅជិតប្រព័ន្ធព្រះអាទិត្យជាងគេ គ្រប់ផ្កាយដែលយើងមើលឃើញដោយភ្នែកទទេនៅពេលយប់ សុទ្ធសឹងជាផ្កាយដែលស្ថិតនៅក្នុងកាឡាក់ស៊ីមីលគីវេរបស់យើង ក៏ប៉ុន្តែ ផ្កាយខ្លះ ទោះជាយើងមើលទៅឃើញមានពន្លឺភ្លឺខ្លាំង ប៉ុន្តែវាស្ថិតនៅចម្ងាយរហូតដល់ទៅរាប់រយឆ្នាំពន្លឺពីផែនដី។ ចុះផ្កាយអាល់ហ្វាសិនថូរី ដែលជាផ្កាយស្ថិតនៅជិតបំផុត ត្រឹមចម្ងាយជាង ៤ឆ្នាំពន្លឺ? តើយើងអាចមើលឃើញដោយភ្នែកទទេដែរឬទេ? តើយើងអាចរកមើលផ្កាយនេះបានដោយរបៀបណា?