Khit Thit Afternoon News | March 20, 2026 скачать в хорошем качестве

Khit Thit Afternoon News | March 20, 2026

Khit Thit သတင်းဌာန၏ မတ် ၂၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မတ် ၂၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မြန်မာ၊ ကမ္ဘောဒီယား အပါအဝင် အရှေ့တောင်အာရှက ကျားဖြန့် ငွေလိမ်ဂိုဏ်းတွေရဲ့ နောက်ကွယ်မှာ တရုတ်အစိုးရရှိနေပြီး အမေရိကန် ပြည်သူတွေကို ထိခိုက်အောင် ပစ်မှတ်ထားလိမ်လည်နေတယ်လို့ FBI က အတိအလင်း ထုတ်ဖော်ပြောဆိုလိုက်ပါတယ်။ မြန်မာတစ်နိုင်ငံတစ်ဝှမ်းမှာရှိတဲ့ ဆီဆိုင်တွေမှာ ဓာတ်ဆီနဲ့ ဒီဇယ်စျေးတွေဟာ တစ်လီတာကို အနည်းဆုံး ၈၀၀ ကျပ်ကနေ ၁၃၀၀ ကျပ်ဝန်းကျင်အထိစျေးတွေ ထိုးတက်နေပြီး ဆီဆိုင်တွေ အားလုံးမှာလည်း ယာဉ်တွေ ကြိတ်ကြိတ်တိုး တန်းစီနေရတယ်လို့ ပြည်တွင်းမှာရှိတဲ့ပြည်သူတွေက ရန်ကုန်ခေတ်သစ်ကို ဆက်သွယ်ပြောဆိုလာကြပါတယ်။ -မန္တလေးတိုင်း ၊ မြင်းခြံမြို့နယ်မှာ အကြမ်းဖက် စစ်တပ် စစ်ကြောင်းကို တိုက်ခိုက်မှုအတွင်း စစ်တပ်ဘက်က စစ်ဗိုလ် ၁ ဦး အပါအဝင် ၁၅ ဦးကတော့ အသီးသီး သေကုန်ကြတဲ့အပြင် ခဲယမ်းတချို့ကို ပါတော်လှန်ရေးတပ်တွေက သိမ်းဆည်းရရှိထားပြီး ၊ ယင်းမာပင်မြို့နယ်မှာလည်း တိုက်ပွဲတွေ ဖြစ်ပွားနေတယ်လို့ သိရပါတယ်။ အီရန်စစ်ပွဲအတွက် ဒေါ်လာ ဘီလီယံပေါင်း ၂၀၀ ကို အမေရိကန်ကာကွယ်ရေးဝန်ကြီးက ထပ်တောင်း လိုက်ပြီး စစ်ပွဲဘယ်တော့ပြီးမလဲဆိုတာအတွက် အချိန်အကန့်အသတ်မရှိဘူးလို့ ပြောဆိုလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။