“Kjo është koha” – Nis sot emisioni special kushtuar Ramazanit, çdo ditë në 'Ora News' në orën скачать в хорошем качестве

“Kjo është koha” – Nis sot emisioni special kushtuar Ramazanit, çdo ditë në 'Ora News' në orën

#oranews #intervista #ilirademi #lilisaraci Me fillimin e muajit të shenjtë të Ramazanit, Ora News nis transmetimin e një programi të përditshëm të titulluar “Kjo është koha”, i cili do të shoqërojë besimtarët dhe publikun e gjerë çdo mbrëmje në orën 18:00. Drejtuesi i emisionit, Ilir Ademi, tregoi objektivin kryesor, që është të diskutohen dimensionet shpirtërore, sociale dhe hyjnore të këtij muaji të bekuar. Programi do të sjellë në studio intelektualë dhe hoxhallarë të njohur për të trajtuar tema të rëndësishme për besimtarët dhe shoqërinë. "Do të jetë një maratonë transmetimi e përditshme në këtë muaj të bekuar të Ramazanit dhe unë gjej rastin që t'u uroj të gjithë besimtarët myslimanë për këtë muaj të veçantë. Qoftë ky muaj i begatë dhe një muaj i cili do të shërojë shumë plagë të shoqërisë sonë. Dhe gjithashtu gjej rastin të falenderoj dhe Ora News që çdo vit kthehet në një hapësirë e bereqetshme për publikun shqiptar, pasi është një dritare e hapur për këdo i cili vërtetë synon t'i ngrejë sytë nga qielli, porse edhe të jetë më produktiv në tokë. Dhe ky është përgjithësisht objektivi i këtij transmetimi maratonë që do të jetë çdo ditë me, po themi, intelektualët më të mirë, me hoxhallarët më të mirë, për të folur mbi atë që është më e mira në dimensionin shpirtëror, në dimensionin social dhe në dimensionin, po themi, edhe hyjnor, të cilin e përmban muaji i Ramazanit. Ka disa risi këtë vit. Do mundohemi disa emisione t'i realizojmë në xhaminë e madhe të Tiranës, te Namazgjaja, pasi ajo është kthyer dhe, po themi, në një lloj embleme të rëndësishme për qytetin, e ka pasuruar, po themi, jetën qytetare, jo vetëm për Tiranën, por edhe për rrethet, pasi shpesh vijnë dhe nga rrethet, kanë kuriozitetin për përjetuar atë atmosferën që krijon xhamia e madhe. Ne do mundohemi që pikërisht aty të zhvillojmë disa intervista me myftiun e Tiranës dhe me hoxhallarë të tjerë. Më pas të ftuar të tjerë do të kemi në studio. Dhe gjithashtu dy risitë e tjera në këtë muaj janë se do të kemi një podkast të shkurtër ku kryesisht do të kemi hoxhë Ahmet Kalanë për atë pyetje-përgjigjet e famshme, Gjithashtu një risi tjetër është që do të transmetojmë disa reportazhe historike mbi Minaret e Kujtesës, quhet ky cikël, po themi, reportazhesh, që na kthen në kohë. Na kthen tek identiteti jonë, na kthen tek ajo pasuri shpirtërore dhe arkitekturore e xhamive, të cilat kanë bërë histori, siç është historia e familjes së Mullabeut, babai i Ethem Beut, do të njihemi me historinë e tij. Tirana ka patur shumë pasanikë në atë kohë, po koha i ka zbehur shumë prej tyre dhe i ka dhënë rol të veçantë Ethem Beut për shkak të asaj xhamie të bukur, të jashtëzakonshme. Gjithashtu është Korça, Berati, Gjirokastra, Saranda, Dibra dhe shumë qytete të tjera", u shpreh Ademi. Për më shumë lexoni: https://www.oranews.tv/lifestyle/kjo-... Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranews.one   X https://x.com/oranews_one Follow Televizionin Ora News