Aktiviteti fizik i bën mirë trurit, largon stresin dhe humorin e keq | IN TV Albania скачать в хорошем качестве

Aktiviteti fizik i bën mirë trurit, largon stresin dhe humorin e keq | IN TV Albania

Jeni të lodhur nga përditshmëria? Ju mund të jeni më të lumtur, edhe thjesht duke ecur. Aktiviteti fizik, në veçanti sportet aerobike, si vrapi, ecja, biçikleta apo thjesht punët e shtëpisë, si dhe kujdesja për kopshtin, janë ndër armët kryesore për të forcuar shëndetin tuaj mendor. Një studim i realizuar mbi plot 1.2 milion persona, tregoi se ushtrimet fizike reduktojnë me 43% ditët e mbushura me probleme të shëndetit mendor, të shkaktuara nga stresi apo problemet emocionale. Por, kujdes me dozën e aktivitetit fizik! Studiuesit e Universitetit Yale në SHBA nënvizuan, se duhet patur kujdes, pasi praktika e tepërt e sporteve përkeqëson mirëqenien psikike dhe nuk duhet të kaloni më shumë se 3-5 herë në javë aktivitet fizik dhe jo më shumë se 45 minuta në ditë. Një tjetër faktor i rëndësishëm për të siguruar një mirëqënie edhe më të mirë për trurin tuaj është edhe aktiviteti i kryer në grup apo i shoqëruar. Ekspertët amerikanë mblodhën informacione për llojin e aktivitetit fizik të kryer nga disa persona në 30 ditë. Atyre iu kërkua gjithashtu të raportonin, se sa herë në ditë ishin ndjerë jo mirë psikologjikisht, të stresuar apo nuk kishin qenë në humor. Gjatë analizës u pa, se mesatarisht secili kishte patur rreth 3.4 ditë të këqija nga pikëpamja e mirëqenies psikologjike. Dhe krahasuar me ata që nuk janë marrë me ushtrime fizike, u vu re se shqetësimet ishin reduktuar me rreth 43%. Këshilla e mjekëve është e thjeshtë. Nëse vendosni të merreni me aktivitet fizik, mos e ekzagjeroni, pasi mund të ketë edhe efekte të kundërta. Ata që ushtrojnë sport më shumë se 90 minuta në ditë, në realitet kanë më shumë probleme nga ana e shëndetit mendor. ------------------------------------------ IN Tv Albania Follow us:   / intvalbania     / intvalbania     / intvalbania   Offcial website: http://intv.al