ස්වාගතං වත මේ ආසි | කැණිමඩල සුණුවිසුණු කළෙමි | 26.05.2021 | අකම්පිත скачать в хорошем качестве

ස්වාගතං වත මේ ආසි | කැණිමඩල සුණුවිසුණු කළෙමි | 26.05.2021 | අකම්පිත

ස්වාගතං වත මේ ආසි | කැණිමඩල සුණුවිසුණු කළෙමි | 26.05.2021 | අකම්පිත මහණෙනි, පා නැත්තා වූ හෝ දෙපා ඇත්තා වූ හෝ සිවුපා ඇත්තා වූ හෝ බොහෝ පා ඇත්තා වූ හෝ රූපය ඇත්තා වූ හෝ රූපය නැත්තා වූ හෝ සංඥා ඇත්තා වූ හෝ සංඥා නැත්තා වූ හෝ නෛවසංඥීනාසංඥී වූ හෝ යම් පමණ සත්ත්‍වයෝ වෙත් ද, ඔවුන් අතුරෙන් මේ තථාගත අර්හත් සම්‍යක් සම්බුදුරජ තෙමේ අග්‍ර‍යැ යි (ශ්‍රෙෂ්ඨ යැ යි) කියනු ලැබේ. මහණෙනි, යම් කෙනෙක් බුදුන් කෙරෙහි පැහැදුනාහු නම් ඔවුහු අග්‍ර‍ වූ (බුද්ධරත්නයෙහි) පැහැදුනාවූ වෙත්. අග්‍ර‍ වූ බුද්ධරත්නයෙහි පැහැදුනවුන්ට අග්‍ර‍ (ශ්‍රෙෂ්ඨ) වූ විපාකය වෙයි. මහණෙනි, හෙතුප්‍ර‍ත්‍යයෙන් නිපන්නාවූ හෝ හෙතුප්‍ර‍ත්‍යයෙන් නොනිපන්නාවූ හෝ යම් පමණ ස්වභාවධර්‍මයෝ වෙත් නම්, ඔවුන් අතුරෙන් යම් මේ (මානාමදාදි) සියලු මද මර්‍දනය කරන්නාවූ (කාමාදි) පිපාසයන් පහ කරන්නාවූ (කාමාදි) ආලයයන් සහමුලින් නසන, (කම්වට කෙලෙස්වට විවාවට යන) සංසාරවෘත්තයන් සිඳින්නාවූ, තෘෂ්ණාක්‍ෂය කරන්නාවූ, රාගය දුරු කරන්නාවූ, කෙලෙස් නිරුද්ධ කරන්නාවූ නිර්‍වාණයක් වේ ද, (ඒ ධර්‍මය) ශ්‍රෙෂ්ඨ යැ යි කියනු ලැබේ. මහණෙනි, යම් කෙනෙක් විරාගධර්‍මයෙහි (නිවණෙහි) පැහැදුනාහු නම් (ඔවුහු) අග්‍ර‍ වූ ධර්‍මරත්නයෙහි පැහැදුනාහු වෙත්. අගතන්හි පැහැදුනවුන්ට වනාහි අග්‍ර වූ විපාකය වෙයි. මහණෙනි, සඞ්ඝ වූ හෝ ගණ වූ හෝ යම් පමණ (ජනසමූහයක්) ඇද්ද ඔවුන් අතුරෙන් යම් මේ පුරිසයුගල වශයෙන් සතරක් වූ පුද්ගල වශයෙන් අට දෙනෙක් වූ තථාගතයන් වහන්සේගේ ශ්‍රාවක සඞ්ඝ තෙමේ ශ්‍රෙෂ්ඨ යැ යි කියනු ලැබේ. ඒ භාග්‍යවත්හුගේ ශ්‍රාවක සඞ්ඝ තෙමේ දුරින් ගෙණවුත් දිය යුත්ත පිළිගැණීමට සුදුසු වේ. ආගන්තුදානය පිළිගැණීමට සුදුසු වේ. පරලොව අදහා දිය යුත්ත පිළිගැණීමට සුදුසු වේ. දොහොත් මුදුන්හි තබා නමස්කාර කිරීමට සුදුසු වේ. ලොවැස්සාගේ උතුම් වූ පින්කෙත ද වේ. මහණෙනි, යම් කෙනෙක් (මෙබඳු) සඞ්ඝයා කෙරෙහි පැහැදුනාහු නම් ඔවුහු අග්‍ර‍ (සඞ්ඝරත්නයෙහි) පැහැදුනාහු වෙත්. අගතන්හි පැහැදුනවුනට අග්‍ර‍ වූ විපාකය වෙයි. ☸ මූලාශ්‍රය : අග්ගප්පසාද සූත්‍රය : https://tipitaka.lk/kn-iti-3-5-1/sinh ▶️    • ස්වාගතං වත මේ ආසි | කැණිමඩල සුණුවිසුණ...   සියලු සත්ත්වයෝ නිවනින් ම නිවෙත්වා !!! පැණැස ඇත්තෝ විමසත්වා !!! කම්පිත සිත් සතන් අකම්පිත වෙත්වා !!! 🌎 https://akampitha.org මෙම සදහම් දෙසුම සජීවීව කරන ලද පටිගත කිරීමක අජීවී විකාශනයකි. එම නිසා දම් දෙසුම තුල දී මතු විය හැකි ගැටලු වෙතොත්   / akampitha   හරහා යොමුකරන්න. තෙරුවන්සරණයි !!! #කල්පිතය #තාත්තා_කියන්න #ක්ෂිතජය #සත්‍යය #akampitha