ჯონი შუბითიძე - RMG-ის აღმასრულებელი დირექტორი скачать в хорошем качестве

ჯონი შუბითიძე - RMG-ის აღმასრულებელი დირექტორი

🔸 ყველა რეიტინგით და სტატისტიკით, რომელიც საქართველოს მძიმე მრეწველობასთან და ეკონომიკურ ეფექტთან დაკავშირებით გამოიცემა, ყველგან ფიგურირებს ჩვენი კომპანია, როგორც ერთ-ერთი მსხვილი ექსპორტიორი. განსაკუთრებით 2017 წელი მინდა აღვნიშნო, სადაც ექსპორტმა დაახლოებით 150 მლნ დოლარი შეადგინა. ეს რიცხვი კიდევ გაიზრდება იმის ხარჯზე, რომ ობიექტები გვემატება და ოპერირებას ჩვენი კომპანია სერიოზულად აფართოებს 🔸 ბოლნისის რაიონს, მადნეულის საბადოდან და საყდრისის საბადოდან, დაახლოებით 15 მლნ ლარი შედის წელიწადში მოსაკრებლის სახით. ასევე, დმანისის რაიონში, დაახლოებით ნახევარი მილიონიდან მილიონამდე ლარი შევა და თეთრიწყაროს რაიონში მომავალი წლიდან 4-5 მლნ-მდე ლარი იქნება 3-4 წლის განმავლობაში მოსაკრებელი 🔸 დასაქმება ჩვენთვის უმნიშვნელოვანესია. ვცდილობთ, თითოეულ მათგანს თავისი შანსი გაუჩნდეს და თითოეულ საფეხურზე შესაბამისი წარმატება ჰქონდეს. ამისთვის, სპეციალურად შევქმენით ჩვენი სასწავლებელი, რომელიც ახერხებს კადრების გადამზადებას 🔸 ძალიან მნიშვნელოვანი და საპატიოა კულტურული მემკვიდრეობის ძეგლების რეაბილიტაციის პროგრამა, რომელშიც აქტიურად ვმონაწილეობთ. მარტო წელს კომპანიის მიერ გაცემული ინვესტიცია დაახლოებით 1 700 000 ლარს შეადგენს 🔸 წლების განმავლობაში დაგროვილი პრობლემებიდან გამომდინარე, მნიშვნელოვანია გარემოზე ზემოქმედების შეფასების პროგრამა, რომელიც უკვე შევიმუშავეთ სათანადო უწყებებთან ერთად, მათი შეთანხმებით, რეკომენდაციით. კომპანიას, გონივრულ ვადებში, თავის თავზე აქვს პასუხისმგებლობა აღებული, რომ ის პრობლებები, ის მიმართულებები, რომლებიც აქამდე ჩვენს მოსახლეობას, საერთოდ სახელმწიფოს და უფრო მეტად ჩვენს კომპანიას აწუხებდა, იყოს გადაფარული, მოწესრიგებული და გამართული 🔸 კომპანიის ძირითადი წარმატება უნდა გამოიხატებოდეს ქვეყნის აღმავლობის და კეთილდღეობის საერთო სტრუქტურაში. ამის მაგალითია, სტატისტიკის ეროვნული სამსახურის მიერ გამოქვეყნებული მონაცემები, სადაც ყველა მიმართულებით, სამრეწველო კომპანიებში, ბიზნეს ჯგუფებში და განსაკუთრებით, საინვესტიციო ჯგუფებში, 50 ერთეულში ყველგან ფიგურირებს მოწინავე ადგილებზე ჩვენი კომპანიები. ესენია - RMG GOLD, RMG COPPER, შპს ''მაინინგ ინვესთმენთი''. 🔸 RMG საერთო სახელმწიფოებრივი გადასახედიდან, ჩვენთვის და არა მარტო ჩვენთვის, არის ერთ-ერთი უმნიშვნელოვანესი რგოლი, რომელიც არა მარტო რეგიონისთვის, მთლიანად სახელმწიფოსთვის წარმოადგენს უმნიშვნელოვანეს, წარმატებულ და პერსპექტიულ ბიზნეს ჯგუფს. #არემჯი2018 #RMG2018 #არემჯისაქართველოსთვის