على حين غــرَّه / جديد الشاعر حامد زيد 2021 скачать в хорошем качестве

على حين غــرَّه / جديد الشاعر حامد زيد 2021

قصيدة / على حين غِرّه وا وقتي اللي كثرت ايامه السود وشحت معاه ايامي المستقرّة واحزني اللي قادني البكا قود من بعد ساعات الفرح والمسَرّة وا ربعي اللي كانوا اكثر من الدود واقفوا وخلوني على حين غِرَّة طيب ،، ولا جاني من الطيب مردود رجال ،، مير المرجله ماتسرّه للحزن في وجهي علامات وشهود والدمع لا وفّـا .. ولا باح سِرّه طريح غدر.. وداخلي همهمة عود وبخافقي ضيقه وبالصدر حرّة وبمحجري دمعة وفي وجهي صدود وبالصمت تنهيدة وفي الصوت جَرّة هذي سنه وحجاجي الطلق معقود والضحك طايب خاطري منه ،، مَرّه واحبابي اللي كانوا البارح عضود إستكثرم فيّ الوفاء والمِــبَــرّه العام في وجهي مصادير .. وورود واليوم .. مالركابهم فيه جِــرّة المشكله .. مدري على ويش محسود ؟ والطيب خير من الردى بالف مــرَّة حتّي ولو رزقي من الحنظله .. عود في عيونهم .. كنّي ملكت المجرّة كفوف تاخذ .. بس ماتعرف تجود ووجيه مازيّن بها الصبح غِــرّة حتى الحجر وهو الحجر .. ينبت ورود والناس ماتحمل من الطيب .. ذرّة مهما قطعت وعود واوفيت بوعود إن قيل لك .. ماقيل : لله دره ضحيت ماضحيت .. مجحود مجحود محدٍ يبر بصحبتك لو تبرّه والله ما يذبحك من صاحبك .. كود شيٍ .. يشوه في عيونك صوره اثر الطعون من الخوي تفطر كبود؟ هو والله اللي لوعته صدق .. مُرّه لو هو صحيح ان الصداقة بها فود ماكان جتك من اخوياك المضرّة بديت احس إن الوفاء ماله وجود والعين ماترجي بالازوال قِــرّه ودام الوفاء بقلوب الاصحاب مفقود حتى الرفيق ،، الله يكافيك شرّه من لا يحشمك .. مايثمــن لك جهود جلدٍ مهوب جلدك علئ الشوك جره هذا وانا اللي ماعلى رفقتي زود سامحت كرّة وانظلمت الف كـرّة ودّي على أدمح جرح واستحمل حقود مير البلا .. لا صارت النفس حِـرّة حتى ولو صبرك على الضيم محمود (طردك) ورى من لا يطيقك مَعرّة تجلس على جال الجمر وانت بارود وابليس ينفخ بالرماد ويثرة ياتسكن قلوب البشر صدق وتسود والا فلا عاد تعتب واتِّشرَّه من لايردة عن مهونتك منقود صبرك على قل إحترامة يْغرّة ودّك لياجاملت .. جاملت بحدود من غاص غبات البحر جــاب درّة منتب على (طرد المقفين) محدود (حتى ولو نار الغلا مِستشِـرّة) اللي رحل لو يبغي يعود .. بيعود يلقى مقرّه بالحنانا .. مقــرّه واللي طلع .. يطلع ومن غير مطرود أودِّعه .. وأكسر على الدرب جَرَّة والله لون إن أصحابك أكثر من الدود ولاجاك منهم غير كثر المُـضَرّة خُوّة غريبٍ كفّـــه .. تــورّد عــدود تسوى شواربهم ثلاثين مرّه الشاعر / حامد زيد #قصيد #شعر #قصيدة #الشاعر #اشعار #قصايد #غزل #عاطفية #الخوّه #الخيانة #الاصدقاء