Енді елді мекендердің маңындағы жайылымдар ауыл тұрғындарына қайтарылады скачать в хорошем качестве

Енді елді мекендердің маңындағы жайылымдар ауыл тұрғындарына қайтарылады

Жер дегеннен шығады. Енді елді мекендердің маңындағы жайылымдар ауыл тұрғындарына қайтарылады. Бұл үшін бюджеттен 187 млн теңге қарастырылып та қойған. Бүгінгі жалпы отырыста төменгі палата депутаттары «Жер қатынастарын реттеу» туралы заң жобасын да қарап, бірінші оқылымда мақұлдады. Жер байлығын ел байлығы деп білетін қазақ үшін бұл құжаттың орны ерек. Қазақстанда ауыл шаруашылығына арналған 102 млн гектар жер телімі бар. Соның 1,3 млн гектары жеке меншіктің қолында. Құжаттың жаңалықтары көп, соның негізгісі – жер сатылмайды, 49 жылға жалға беріледі. Асқар Мырзахметов бүгін жерге бақылау күшейеді деп мәлімдеді. Асқар Мырзахметов, ҚР Премьер-министрінің орынбасары, ҚР Ауыл шаруашылығы министрі: – Бұрын 20 жыл бола ма, 49 жылға дейін жалға беру шешімі қабылдана беретін. Ал ол жерді пайдалану үшін материалдық-техникалық базасы бар ма, жоқ па, алған міндеттемелерін орындап отыр ма ол ескерілмейтін. Ендігі жерде біз айтып отырмыз, міндетті түрде алғашқы 5 жылда жыл сайын осы бақылау жүргізілетін болады. Қазір Қазақстандағы төрт түліктің саны 30 млн жуық. Бұл осыдан 100 жыл бұрынғы қазақ даласындағы мыңғырған малмен салыстырғанда үш есеге аз. Сол азға азық таба алмай отырған жайымыз бар. Себебі елді мекендердің маңындағы жайылымдардың көбі жеке және заңды тұлғаларға беріліп кеткен. Қолда бар малды бағу үшін әлі 27 млн гектар жер керек. Жаңа заң жобасы жайылымды қайтарып алуды көздейді. Асқар Мырзахметов, ҚР Премьер-министрінің орынбасары, ҚР Ауыл шаруашылығы министрі: – Өткен жылы осы жер мәселесін талқылаған кезде жергілікті тұрғындардың көтерген мәселесі – ол жайылым. Ол заң жобасында қаралып отыр. Яғни сатып алған кезде көп ақшаны талап етпейтін болады. Жалға берілетін жер конкурспен анықталады. Ал конкурстың әділ өтуін комиссия қадағалайтын болады. Және жалға берілетін жердің шектік мөлшері әр аймақта түрлі мөлшерде бекітіледі. Сондай-ақ заң жобасында шекара аумағындағы жерлерді шетелдіктермен некеде тұрған азаматтарға жалға бермеу нормасы бар. Құжат депутаттардың көңілінен шықты. Бекболат Тілеухан, ҚР Парламент Мәжілісінің депутаты: – Құрметті әріптестер, су сурап тұрып, шелегімізді жасырмай-ақ қоялық. Жер жобасын қолдауға тұрарлық деп білемін. Авторлары: Гүлжан Марқабаева, Марат Таубаев