စစ်ရေးအရ ဖိအားပေးထားတဲ့အပြင် ညှိနှိုင်းဖို့အချိန်သိပ်မကျန်တော့ဘူးလို့ အီရန်ကို ထရမ့် ခြိမ်းခြောက် скачать в хорошем качестве

စစ်ရေးအရ ဖိအားပေးထားတဲ့အပြင် ညှိနှိုင်းဖို့အချိန်သိပ်မကျန်တော့ဘူးလို့ အီရန်ကို ထရမ့် ခြိမ်းခြောက်

စစ်ရေးအရ ဖိအားပေးထားတဲ့အပြင် ညှိနှိုင်းဖို့အချိန်သိပ်မကျန်တော့ဘူးလို့ အီရန်ကို ထရမ့် ခြိမ်းခြောက်   ဇန်နဝါရီ-၂၉၊၂၀၂၆။People's Spring   ညှိနှိုင်းမှုတွေ လုပ်ဖို့ အီရန်မှာ အချိန်များများ မကျန်တော့ဘူးလို့ အမေရိကန် သမ္မတ ဒေါ်နယ်လ်ထရမ့်က သတိပေး ပြောကြားလိုက်ပါတယ်။   အီရန်ပိုင်နက်တဝိုက် ပင်လယ်ကွေ့ ဒေသထဲမှာ အမေရိကန်က စစ်အင်အား တိုးမြှင့် ဖြန့်ကျက်မှုတွေကို တဖြည်းဖြည်း ချဲ့ထွင်လုပ်ဆောင်နေချိန် ဇန်နဝါရီ ၂၈ ရက်နေ့မှာ ထရမ့်က အခုလို ခြိမ်းခြောက်ခဲ့တာ ဖြစ်ပါတယ်။ အီရန် အစိုးရ အနေနဲ့ နျူကလီးယား နည်းပညာ စီမံကိန်းနဲ့ ပတ်သက်ပြီး အမေရိကန်နဲ့ အမြန်ဆုံး ဆွေးနွေးသင့်နေပြီလို့ ထရမ့်က ဆိုပါတယ်။   လက်ရှိမှာတော့ အမေရိကန်ရဲ့ အင်အားကြီးမားတဲ့ ရေတပ်ကြီးတွေဟာ ရည်မှန်းချက်တစ်ခုအတွက် ခပ်မြန်မြန် လှုပ်ရှားနေကြပြီလို့လည်း ထရမ့်က ဆိုပါတယ်။   ထရမ့်ဆီက ခြိမ်းခြောက်မှု အပြီးမှာတော့ အီရန် နိုင်ငံခြားရေး ဝန်ကြီး အဘက်စ် အာရက်ချီက နိုင်ငံရဲ့ လက်နက်ကိုင် တပ်တွေကလည်း သေနတ်ခလုတ်အပေါ် လက်ညှိုးတင်ပြီး အသင့်စောင့်နေတယ်လို့ တုံ့ပြန်ခဲ့ပါတယ်။ ကုန်းနဲ့ရေ ဘယ်နေရာဖက်က ကျူးကျော်လာမှုဖြစ်ဖြစ် အီရန်ကလည်း ကိုင်တွယ်ဖို့ အဆင်သင့်လို့ သူက ဆိုပါတယ်။   ထရမ့်က အီရန်မှာ အာဏာပိုင်တွေ အကြမ်းဖက် ဖြိုခွင်းလို့ ဆန္ဒပြသူ ထောင်နဲ့ချီ သေဆုံးခဲ့တဲ့ ဖြစ်စဉ်မှာ ကျူးလွန်သူတွေကို အရေးယူနိုင်အောင် အမေရိကန်က ဖိအားပေး ကူညီမယ်လို့ ပြောကြားခဲ့ပြီးတဲ့နောက် အခုလို နောက်ဆက်တွဲ ခြိမ်းခြောက်လာတာ ဖြစ်ပါတယ်။   ပြီးခဲ့တဲ့ နှစ်ကုန်ပိုင်းက စတင်ခဲ့ပြီး အခုလထဲမှာ အားလျော့ ပျက်ပြယ်သွားခဲ့တဲ့ အစိုးရ ဆန့်ကျင်ရေး ဆန္ဒပြပွဲတွေအတွင်း ဆန္ဒပြသူ ၆၀၀၀ နီးပါး သေဆုံးခဲ့ကြောင်း လူ့အခွင့်အရေး စောင့်ကြည့်အဖွဲ့တွေက ပြောပါတယ်။ ဆန္ဒပြပွဲတွေ အရှိန်အမြင့်ဆုံး ဖြစ်နေတဲ့ ကာလမှာ ထရမ့်က အကူအညီတွေ လာနေပြီလို့ ဆန္ဒပြသူတွေအတွက် ရည်ရွယ်ပြီး လူမှုကွန်ရက်ပေါ်မှာ ရေးသားဖူးပါတယ်။ ဒါပေမဲ့ နောက်ပိုင်းမှာတော့ အီရန်ကို ကျိန်းသေ စစ်တိုက်မယ်ဆိုတဲ့ သူ့ရဲ့ လေသံကို ထရမ့်က ပြောင်းလဲပစ်ခဲ့ပါတယ်။   ပြီးခဲ့တဲ့နှစ် ဇွန်လတုန်းက အစ္စရေး-အီရန် ၁၂ ရက်တိုက်ပွဲမှာ အမေရိကန်က ဝင်စွက်ဖက်ပြီး အီရန်ရဲ့ နျူကလီးယား စခန်းတွေကို ဗုံးကြဲခဲ့ဖူးပါတယ်။ နောက်ထပ် တိုက်ခိုက်မှုဟာ အဲဒီထက် အများကြီး ပိုဆိုးနိုင်ပြီး အီရန်အနေနဲ့ ဒါမျိုး အဖြစ်မခံသင့်တော့ဘူးလို့လည်း ထရမ့်က သတိပေးထားပါတယ်။   အမေရိကန် နိုင်ငံခြားရေး ဝန်ကြီး မာကိုရူဘီရိုကလည်း အီရန် အစိုးရဟာ ဘယ်တုန်းကမှနဲ့ မတူအောင် အရမ်း အားလျော့ ချိနဲ့နေပြီလို့ ပြောကြားထားပါတယ်။   အာရက်ချီကတော့ အီရန်ဟာ အကျပ်ကိုင်မှု၊ ဖိအားပေးမှု၊ ခြိမ်းခြောက်မှုတွေ မပါဘဲ မျှတတဲ့၊ အပြန်အလှန် လေးစားမှုနဲ့ အကျိုးကျေးဇူးတွေ ရှိနိုင်မယ့် နျူကလီးယား သဘောတူညီမှုမျိုးအတွက် အမြဲတမ်း လမ်းဖွင့်ပေးထားကြောင်း၊ အီရန် အနေနဲ့ ကျိန်းသေ အာမခံနိုင်တာက နိုင်ငံရဲ့ နျူကလီးယား ရည်မှန်းချက်တွေဟာ ငြိမ်းချမ်းတဲ့ စွမ်းအင် ကဏ္ဍအတွက်သာဖြစ်ပြီး လက်နက်တွေ ထုတ်လုပ်ဖို့ လုံးဝမဟုတ်ကြောင်း မှတ်ချက်ပေးသွားပါတယ်။   အီရန် ဒုတိယ နိုင်ငံခြားရေးဝန်ကြီး ကာဇမ် ဂါရီဘာဘာဒီက နှစ်နိုင်ငံကြား ဆက်သွယ်မှုတွေ ရှိနေပေမယ့်လည်း အမေရိကန်နဲ့ လောလောဆယ်တော့ ဘယ်လို ညှိနှိုင်းမှုမျိုးမှ လုပ်ဆောင်မနေကြောင်း အတည်ပြုသွားပါတယ်။   အမေရိကန်ဟာ အရှေ့အလယ်ပိုင်းဒေသ မဟာမိတ်တွေဖြစ်တဲ့ ဂျော်ဒန်၊ ကာတာတို့အပြင် အိန္ဒိယ သမုဒ္ဒရာထဲက ဒီယေဂို ဂါစီယာ ကျွန်းမှာပါ လေယာဉ်တွေ အများအပြား တိုးမြှင့် ပို့ဆောင်နေပါတယ်။ ဒါ့အပြင် အမေရိကန်ရဲ့ ကုန်တင်နဲ့ ဆီဖြည့် လေယာဉ်ကြီးတွေလည်း အရှေ့အလယ်ပိုင်းကို တဖွဲဖွဲ ရောက်ရှိလာနေပါတယ်။ ဒရုန်းတွေနဲ့ P-8 ရေကြောင်းကင်းထောက် လေယာဉ်တွေ ပျံသန်းမှုကလည်း ဒေသတွင်းမှာ ပိုမိုထူထပ်လာနေပါတယ်။   ပြီးတော့ ထရမ့်ရည်ညွှန်းတဲ့ အမေရိကန်ရဲ့ အင်အားကြီးမားတဲ့ ရေတပ်ကြီးဆိုတဲ့ USS Abraham Lincoln ဦးဆောင်တဲ့ တိုက်ရေယာဉ် အုပ်စုဟာလည်း အခုသီတင်းပတ် အစောပိုင်းမှာ အရှေ့အလယ်ပိုင်း ဒေသဆီ စတင်ဝင်ရောက်လာခဲ့ပါတယ်။   တစ်ဖက်မှာလည်း အီရန်ဟာ မနှစ်ကမှ စတင် တပ်တော်ဝင်ထားစေတဲ့ ဒရုန်းတင် သင်္ဘော IRIS Shahid Bagheriကို နိုင်ငံရဲ့ ကမ်းလွန်ရေပြင်မှာ ဖြန့်ကျက်ထားကြောင်း ဂြိုဟ်တု ဓာတ်ပုံ မှတ်တမ်းတွေအရ တွေ့ခဲ့ရပါတယ်။   ကိုးကား: BBC 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA