మంగళగిరి బుద్ధ విహార కార్యదర్శి పామర్తి రవి గారికి అభినందనలు | బుద్ధ పూర్ణిమ రజితోత్సవ సందర్భం скачать в хорошем качестве

మంగళగిరి బుద్ధ విహార కార్యదర్శి పామర్తి రవి గారికి అభినందనలు | బుద్ధ పూర్ణిమ రజితోత్సవ సందర్భం

మిత్రులారా! 2025 వ సంవత్సరం మే నెల 12వ తేదీన, మంగళగిరిలో బుద్ద పూర్ణిమ రజితోత్సవ వేడుకలు చాలా ఘనంగా జరిగాయి. ఆ సందర్భంగా మంగళగిరి బుద్ధ విహార కార్యదర్శి పామర్తి రవి గారి దమ్మ సేవల గురించి రేకా కృష్ణార్జున రావు గారు మంచి ప్రస్తావన చేశారు. ఈ సంవత్సరం మే 1వ తేదీన బుద్ద పూర్ణిమ రజితోత్సవ కాలం ముగుస్తుంది. అందుచేత పామర్తి రవి గారు చేసిన దమ్మ సేవలను మరొకసారి గుర్తు చేస్తున్నాము. మైత్రితో మీ రేకా కృష్ణార్జునరావు, అధ్యక్షుడు: మంగళగిరి బుద్ధ విహార. ============= అతని స్నేహితులందరూ అతడిని ప్రాణ స్నేహితునిగా భావిస్తారు. అతని బంధువులందరూ అతడిని తమ ఆత్మ బంధువుగా పరిగణిస్తారు. అతడు మంచి తనానికి మిత్రుడు - చెడుకు శత్రువు. చొరవగా దూసుకు పోవటంలో అతనికి అతనే సాటి. కొంత మందిని ఎన్ని సార్లు కలిసినా వారితో స్నేహం కుదరదు - కానీ ఈ వ్యక్తిని ఎవరైనా ఒక్క సారి కలిస్తే చాలు, అందరూ అతడిని చిరకాల మిత్రునిగా భావిస్తారు - ఆ వ్యక్తి ఎవరో కాదు, మంగళగిరి బుద్ధ విహార కార్యదర్శి పామర్తి రవి గారు. రవి గారు మానవత్వంతో పరిమళించే మంచి మనసున్న మనిషి. ఎప్పుడూ తోటి వారి క్షేమాన్ని కాంక్షిస్తూ ఉంటాడు. తన పరిధిలో ఎవరికి కష్టం వచ్చినా తట్టుకోలేడు. ఆ కష్టం తనకే వచ్చినంతగా విలవిల లాడిపోతాడు. ఆ కష్టం నుంచి వాళ్లు బయటపడటానికి తాను చేయగలిగినదంతా చేస్తాడు. ఎంతో చొరవగా వాళ్లతోటి మాట్లాడుతాడు. ధైర్యం చెప్పటం, మంచి సలహా ఇవ్వటం. మాట సాయం చేయటం ఇంకా అవసరమైతే శ్రమ సాయం చేయటం తగిన సమయాన్ని వారికోసం వెచ్చించటం ఇంకా పలు రూపాల్లో తన సహాయాన్ని అందించటానికి ఏమాత్రం వెనుకాడడు రవి గారు. పామర్తి రవి గారు బౌద్దానికి, మంగళగిరి బుద్ధ విహార కు చేసిన సేవలు గురించి రాయాలంటే అది ఒక గ్రంథం అవుతుంది. రవి గారు విజయవాడలో నివాసం ఉన్నంత కాలం బుద్ద విహార కార్య కలాపాలలో చాలా చురుకుగా పాల్గొని సంఘానికి ప్రత్యక్ష సేవలు అమితంగా అందించే వారు - నివాసం గోదావరి ఖని, కొత్త గూడెం కు తన భార్య భారతి ఉద్యోగ రీత్యా మారటం వలన దాదాపుగా సంఘానికి ప్రత్యక్ష సేవలు ఇవ్వలేక పోతున్నాడు. ఉమ్మడి ఆంధ్రప్రదేశ్ లో తొలి బౌద్ద మహా సమ్మేళనం జరపటంలో గానీ, బుద్దభూమి పత్రిక కు చందాలు చేర్పించటంలో గానీ, మరీ ముఖ్యంగా దమ్మ యాత్రలు నిర్వహించటంలో గానీ రవి గారు చాలా ముఖ్య పాత్ర పోషించారు - రవి గారి ప్రతిభా పాటవాల వల్లనే మంగళగిరి బుద్ధ విహార ఆధ్వర్యంలో ఇప్పటికి, దేశ విదేశాల్లో ఎనిమిది సామూహిక దమ్మ యాత్రల నిర్వహణ జరిగింది. సుప్రసిద్ధ బౌద్ధ పండితుడు బహు బౌద్ధ గ్రంథ రచయిత మరియు మనోవైజ్ఞానిక విశ్లేషకులు ఇంకా మంగళగిరి బుద్ధ విహార వైస్ చైర్మన్ అన్నపరెడ్డి బుద్ద ఘోషుడు గారికి పామర్తి రవి గారు అంటే చాలా ప్రేమ - "రవి గారు ఎంతో శ్రమ తీసుకుని, నా లగేజ్ ని తాను మోసుకుని, నన్ను బుద్ధగయకు తీసుకు పోకుండా ఉంటే, నేను బుద్ధ గయలోని బుద్ధుని పాదాలకు నా శిరసాభి వందనం చేయాలనే నా చిరకాల వాంఛ నెరవేరేది కాదు" అని అన్నపరెడ్డి బుద్ద ఘోషుడు గారు చాలా సందర్భాల్లో చెప్పారు. దమ్మ పండితులు శాసన గారికి, రిటైర్డ్ డిజిపి చెన్నూరు ఆంజనేయరెడ్డి గారికి, రవి గారంటే ఒక ప్రత్యేకమైన అభిమానం ఉంటుంది. రెండు తెలుగు రాష్ట్రాల్లోని అనేక బౌద్ధ సంఘాల తోటి, ఎంతోమంది బౌద్ధుల తోటి పామర్తి రవి గారికి మైత్రీ పూర్వక సంబంధాలు ఉన్నాయి. పామర్తి రవి గారు కృష్ణార్జునరావు గారికి బంధువు. అల్లుడు వరస అవుతాడు. కృష్ణార్జునరావు గారి కుటుంబంతో రవి గారికి చాలా గాఢమైన అనుబంధం ఉంది. రవి గారు అనేక సార్లు కృష్ణార్జునరావు గారి కుటుంబానికి అండగా నిలిచి ఎంతో సహాయ పడ్డారు, వారి మనసుల్లో చిరకాల ప్రేమకు పాత్రుడిగా రవి గారు నిలిచారు. గత 25 సంవత్సరాలుగా మంగళగిరిలో చేస్తున్న బౌద్ద సేవలకు చాలా మంది మిత్రులు కృష్ణార్జున బోధి గారిని బాగా ప్రశంసిస్తుంటారు - ఆ ప్రశంసలలో సగ భాగం పామర్తి రవి గారికి చెందుతాయని నా హృదయ పూర్వకంగా, సంతోషంగా తెలియజేస్తున్నాను. రవి గారు ప్రస్తుతం ప్రత్యక్ష కార్యాచరణలో లేక పోయినప్పటికీ, అతను తన జీవిత కాలానికి సరిపోయే విధంగా దమ్మ సేవలు చేశాడు. మంగళగిరిలో మే 12వ తేదీ సోమవారం బుద్ద పూర్ణిమ రజితోత్సవ వేడుకలు జరగనున్న శుభ తరుణంలో పామర్తి రవి గారు మంగళగిరి బుద్ధ విహార కు స్ఫూర్తి దాయకమైన సేవలు చేసినందుకు అతనికి, మంగళగిరి బుద్ధ విహార అభినందనలు, ధన్యవాదములు, కృతజ్ఞతలు తెలుపుతుంది🙏🏻🙏🏻🙏🏻 మైత్రితో మీ కృష్ణార్జునరావు. అధ్యక్షుడు: మంగళగిరి బుధ్ధ విహార. 🌹🌻🌹🌻🌹🌻🌹 video created with the help of AI tools #BuddhaPurnima #BuddhistService #PamarthiRavi #MangalagiriBuddhaVihar #BuddhaTeachings #BuddhistCommunity #Humanity #Dhamma