Histórias de Galícia - Sempre em Galiza 1/3 скачать в хорошем качестве

Histórias de Galícia - Sempre em Galiza 1/3

A emigraçom galega foi um fenómeno histórico que condicionou profundamente a nossa realidade; estivo motivado na maioria dos casos por um desaxuste entre a populaçom e os recursos disponíveis. Mas os recursos dum país estám condicionados pola sua estrutura económica. Na Galiza nom houvo umha burguesia que impulsasse umha actividade industrial que absorvesse o excedente agrário; o que houvo foi umha classe dirigente que preferiu seguir parasitando de privilégios anacrónicos os foros antes que impulsionar reforma nengumha. Como protesto os galegos emigrarom massivamente: 2 milhons de emigrados entre 1860 e 1970. No século XIX os emigrados forom deixando o país, como um exército de mão de obra barata, sempre com a esperança do retorno. Umha pequena percentagem deles amassou fortuna; alguns regressarom e buscarom o reconhecimento social no seu lugar de origem. A Guerra Civil e o Franquismo forçarom o exílio dos galegos mais preclaros e comprometidos com a Terra. Castelão ou Seoane simbolizam o que fijo a emigraçom pola identidade da Galiza. A partir de 1960 a emigraçom galega tem como destino outros lugares e países da Península Ibérica, como Euskal Herria, Catalunya ou Madrid, e outros Estados da Europa Ocidental, como França, Suíça ou Alemanha.