Mehriban Əliyeva Respublika uşaq sanatoriyasında olub скачать в хорошем качестве

Mehriban Əliyeva Respublika uşaq sanatoriyasında olub

Dekabrın 29-da Səhiyyə Nazirliyinin Bakının Buzovna qəsəbəsindəki Respublika Uşaq Sanatoriyasının yenidənqurmadan sonra açılışı olub. Azərbaycanın birinci xanımı Mehriban Əliyeva və qızı Arzu Əliyeva açılış mərasimində iştirak ediblər. 1986-cı ildə fəaliyyətə başlamış sanatoriyada yenidənqurma işlərinə 2012-ci ilin iyununda start verilmişdi. Altımərtəbəli binanın ümumi sahəsi 8 min kvadratmetrdir. Sanatoriyanın elektrokardioqrafiya, fizioterapiya, tədris-məşğələ, psixoloq, oyun otaqları və palataları müasir tibbi avadanlıqlarla təchiz edilib. Binada 182 nəfərlik tibbi heyətin uşaqlara yüksək səviyyədə xidmət göstərməsi üçün geniş imkanlar var. Səhiyyə müəssisəsində somatik xəstəliyi olan 4-14 yaşlı uşaqlar müalicə alacaqlar. Sanatoriyaya respublikanın bütün bölgələrindən olan uşaqlar qəbul edilir. Tibb ocağında xüsusi qulluğa ehtiyacı olan uşaqların anaları üçün də palata nəzərdə tutulub. Binada fizioterapiya və bərpa şöbəsi, müalicəvi idman və 100 yerlik akt zalları, müalicəvi vannaların olduğu dörd otaq yaradılıb.