ധാരാവിയില്‍ അദാനിയുടെ ലാഭമെന്താണ്? | Adani’s Dharavi project скачать в хорошем качестве

ധാരാവിയില്‍ അദാനിയുടെ ലാഭമെന്താണ്? | Adani’s Dharavi project

ഏഷ്യയിലെ തന്നെ ഏറ്റവും വലിയ ചേരികളില്‍ ഒന്നാണ് ധാരാവി. ഒരുപക്ഷേ ഏഷ്യയിലെ തന്നെ ഏറ്റവും വലിയ ചേരിയായി അറിയപ്പെടുന്ന ധാരാവിയില്‍ 10 ലക്ഷത്തിലധികം ജനങ്ങള്‍ ആണ് തിങ്ങിപ്പാര്‍ക്കുന്നത്. മഹാരാഷ്ട്രയിലെ മുംബൈ നഗരത്തിന്റെ ഹൃദയഭാഗത്ത് സ്ഥിതി ചെയ്യുന്ന ഈ ചേരി മാഹിം നദീതീരത്ത് ഏകദേശം 620 ഏക്കര്‍ ഭൂമിയില്‍ വ്യാപിച്ചുകിടക്കുന്ന ധാരാവി ഫിനാന്‍ഷ്യല്‍ നഗരത്തിനും എയര്‍പോര്‍ട്ടിനും മധ്യേയാണ് സ്ഥിതി ചെയ്യുന്നത്. മുംബൈയിലെ പ്രധാന റെയില്‍പാതകളായ വെസ്റ്റേണ്‍ റെയില്‍പാതയ്ക്കും സെന്‍ട്രല്‍ റെയില്‍പാതയ്ക്കും ഇടയിലാണ് ധാരാവി വരുന്നത്. ചെറുകിട വ്യവസായങ്ങളും കുറഞ്ഞ ചിലവിലുള്ള താമസവും ഒക്കെയായി ധാരാവി ഇന്ത്യയുടെ മറ്റൊരു പ്രതീകമായി എല്ലായിപ്പോഴും നിലനിന്നിട്ടുണ്ട്. തെരഞ്ഞെടുപ്പ് ആകുമ്പോഴും സര്‍ക്കാരുകള്‍ മാറി വരുമ്പോഴും ധാരാവി ചേരി നവീകരിക്കും എന്നുള്ള വാഗ്ദാനങ്ങള്‍ നിരന്തരമായി ഉയരാറുണ്ട്. ഏറ്റവും ഒടുക്കം 23000 കോടി രൂപയ്ക്ക് ധാരാവിയുടെ മുഖം മിനുക്കാന്‍ ഒരുങ്ങുകയാണ്. ഇന്ത്യയുടെ സാമ്പത്തിക ഭീമന്‍ ഗൗതം അദാനിയുടെ അദാനി ഗ്രൂപ്പാണ് ഭീമ തുക നല്‍കി ധാരാവിയെ മാറ്റാന്‍ പോകുന്നത്. എന്താണ് ഇതില്‍ അദാനിയുടെ ലാഭം, അറിയാം കൂടുതല്‍ വിശദമായി രണ്ടായിരത്തിന്റെ ആരംഭം മുതല്‍ തന്നെ ധാരാവി പുനര്‍നിര്‍മ്മാണം മഹാരാഷ്ട്ര സര്‍ക്കാരിന്റെ തലവേദനയായി മാറിയിരുന്നു. ഒരു സര്‍ക്കാരും മാറി വരുന്നതിന് അനുസരിച്ച് വലിയ വോട്ട് ബാങ്ക് കൂടിയായ ധാരാവി പ്രദേശം മാറ്റിയെടുക്കും എന്നുള്ള വാഗ്ദാനങ്ങളും നല്‍കി പോന്നു. സര്‍ക്കാര്‍ തന്നെ കൂടിയാല്‍ കൂട്ടില്ല ഇന്ന് തിരിച്ചറിഞ്ഞതോടെ 2004 മുതല്‍ തന്നെ നവീകരണത്തിനായി ആഗോള ടെണ്ടര്‍ വിളിച്ചുവെങ്കിലും കാര്യങ്ങളൊന്നും നടപ്പിലായില്ല. ഏറ്റവും ഒടുക്കം ധാരാവിയുടെ പുനര്‍ വികസന പദ്ധതിയുടെ കരാര്‍ അദാനി ഗ്രൂപ്പിനു നല്‍കിയിരിക്കുകയാണ് സംസ്ഥാന സര്‍ക്കാര്‍. ടെന്‍ഡര്‍ വിളിച്ചു നല്‍കിയ പദ്ധതിയില്‍, അദാനി ഗ്രൂപ്പിലെ അദാനി പ്രോപ്പര്‍ട്ടീസ് ലിമിറ്റഡ് എട്ടുമാസത്തിനു മുന്‍പ് ടെന്‍ഡര്‍ നേടിയിരുന്നു. നിലവില്‍ 5069 കോടി രൂപയുടെ ടെന്‍ഡറിനാണ് ഇപ്പോള്‍ അംഗീകാരം ലഭിച്ചത്. ലോക്സഭാ തിരഞ്ഞെടുപ്പ് വരാനിരിക്കുന്ന ഘട്ടത്തില്‍ പ്രവര്‍ത്തനങ്ങള്‍ക്ക് ഈ വര്‍ഷം തന്നെ ആരംഭിക്കാനുള്ള സാധ്യതയുണ്ട്. #adani #dharavi #nationalnews