စျေးကွက်အတွင်းငွေစက္ကူရှားပါးလာပြီးKPayအပါအဝင်အွန်လိုင်းငွေပေးချေမှုတွေ အခက်ကြုံနေ | People's Spring скачать в хорошем качестве

စျေးကွက်အတွင်းငွေစက္ကူရှားပါးလာပြီးKPayအပါအဝင်အွန်လိုင်းငွေပေးချေမှုတွေ အခက်ကြုံနေ | People's Spring

စျေးကွက်အတွင်း ငွေစက္ကူ ရှားပါးလာပြီး KPay အပါအဝင် အွန်လိုင်း ငွေ ပေး ချေမှုတွေ အခက်ကြုံနေ   ဖေဖော်ဝါရီ−၂၄၊ ၂၀၂၆။ People’s Spring   ဘဏ်တွေက အကန့်အသတ်နဲ့ ငွေသားထုတ်ပေးနေတာကြောင့် စျေးကွက်အတွင်းမှာ ငွေစက္ကူ ရှားပါးလာပြီး အရောင်းအဝယ်လုပ်ရာမှာ Kpay အပါအဝင် အွန်လိုင်း ငွေ ပေး ချေမှုဆိုရင် တချို့က လက်မခံတာတွေရှိလာတယ်လို့ စီးပွား ရေးလုပ်ငန်းရှင်တချို့နဲ့ ပြည်သူ တွေက ပြောပါတယ်။   စျေးကွက်အတွင်း ငွေစက္ကူရှားပါးလာတာ ကြောင့် E-Money အွန်လိုင်းကနေငွေပေးချေတာ ဥပမာ Kpay ၊ ဘဏ်အကောင့်တွေကနေ ငွေပေးချေတာကို ဈေးဆိုင်တချို့က လက်မခံဘဲ ငွေသားနဲ့ ပေးချေနိုင်မှသာ အရောင်းအဝယ်လုပ်ရတယ်လို့ လုပ်ငန်းရှင်တချို့က ပြောပါတယ်။   အာဏာသိမ်းပြီး နောက်ပိုင်း စစ်တပ်က ဗဟိုဘဏ်၊ အစိုးရဘဏ်၊ ပုဂ္ဂလိကဘဏ်တွေကနေ ငွေကြေးစျေးကွက်ကို တိုက်ရိုက်ပိုမိုထိန်းချုပ်မှုတွေလုပ်လာတာ ဖြစ်ပါတယ်။   ဒီလဆန်းပိုင်းက UMFCCI ကုန်သည်စက်မှုအသင်းချုပ်မှာ လုပ်တဲ့အစည်းအဝေးမှာ ဗဟိုဘဏ်ဥက္ကဌ ပြောတဲ့ ငွေထုတ်တာကို ကန့်သတ်ထိန်းချုပ်တယ်ဆိုတာကနေ စတာလို့ ရန်ကုန်မြို့က ကုန်စည်ဒိုင်လုပ်ငန်းရှင်တစ်ဦးက ပြောပါတယ်။   အရင်က Special ဘဏ်အကောင့်ဖွင့်ထားတဲ့သူတွေတောင် တိုင်ပတ်ကုန်တာလို့ သူက ဆိုပါတယ်။   ဒေါ်လာစျေး၊ရွှေစျေး အဆမတန်မြင့်တာလာတာကို ထိန်းချုပ်ဖို့ဆိုတဲ့ အကြောင်းပြချက်နဲ့ ဘဏ်တွေကနေ ငွေအကန့်အသတ်နဲ့ ထုတ်ယူခွင့်ကလည်း နည်းလမ်းမမှန်ဘူးလို့ အဲဲဒီလုပ်ငန်းရှင်က ပြောပါတယ်။   ငွေထုတ်ယူတာကန့်သတ်မှုက အွန်လိုင်းစနစ်နဲ့ ပိုပြီးငွေလည်ပတ်နိုင်အောင် ဖြစ်ကြောင်း ပို့ကုန်၊သွင်းကုန် လုပ်ငန်းရှင်တစ်ဦးက ပြောပါတယ်။   အခု MMQR ဆိုတဲ့ ဒီဂျစ်တယ်ငွေ ပေးချေမှုက အဲဲဒီအတွက် ဖြစ်တယ်လို့ ဆိုပါတယ်။   စစ်တပ်ဗဟိုဘဏ်က MMQR ငွေ ပေး ချေစနစ်ကို သုံးစွဲဖို့ ဖိအား ပေး နေ ပေမယ့် သုံးစွဲမှုနည်း နေပါ တယ်။ ဒါ ကြောင့် လတ်တလောအပြင်မှာ ငွေစက္ကူရှားပါးလာတာကြောင့် အရောင်း အဝယ်လုပ်ကိုင်သူအချို့ဟာ ရပ်နားထားရတဲ့အထိ ဖြစ်လာတယ်လို့ စုံစမ်းသိရပါတယ်။   ဒါ့အပြင် ရပ်ကွက်တွေ အတွင်းက စျေးဆိုင်တချို့ဟာလည်း Kpayနဲ့ ပေးဆောင်ရင် စျေးသည်တချို့က လက်မခံကြောင်းလည်း ကြုံတွေ့ခဲ့ရသူက ဆိုပါတယ်။   ဘဏ်မှာ ငွေထုတ်ယူခဲ့တဲ့ အသက်(၄၀)အရွယ်အမျိုးသမီးတစ်ဦးကလည်း ဘဏ်တွေကလည်း ထုတ်မရကြောင်းနဲ့ သိန်းကိုထောင်နဲ့ချီထုတ်ယူမယ်ဆို နေ့တိုင်းဘဏ်သွားနေရကြောင်း ပြောပါတယ်။ အရင်က အပြင်မှာ ငွေစက္ကူပေါပြီး အခု ဒီလပိုင်းကစပြီး ပြန်ရှားလာတာလို့ သူက ဆက်ပြောပါတယ်။   ငွေစက္ကူရှားပါးလာတာကြောင့် ရပ်ကွက်တွေအတွင်းမှာ အာဏာသိမ်းပြီးနောက်ပိုင်း ခေတ်စားလာတဲ့  Kpay ကနေ ငွေထုတ်ယူရတဲ့အခါမှာ ပေးရတဲ့ အခကြေးငွေဝန်ဆောင်ခတွေလည်း မြင့်တက်လာတယ်လို့ သိရပါတယ်။ ရန်ကုန်မြို့ရဲ့ မြို့နယ်အချို့မှာတော့ Kpay တွေကနေ ငွေထုတ်တာကို ၁ ရာခိုင်နှုန်းအထိ ငွေထုတ်ခပေးနေရတယ်လို့ ဒေသခံတွေက ဆိုပါတယ်။   ဘဏ်စာရင်းတွေ ၊ မိုဘိုင်းငွေကြေးစာရင်းတွေရဲ့ အချက်အလက်နဲ့ တိုက်ဆိုင်စစ်ဆေးဖို့အတွက် နိုင်ငံသားတွေရဲ့ မှတ်ပုံတင်နဲ့ပါချိတ်ဆက်မယ့် e-KYC VMS စနစ်ကို အကောင်အထည်ဖော်မယ်လို့ စစ်တပ်ဗဟိုဘဏ်က ပြီးခဲ့တဲ့ ဇန်နဝါရီက ဆိုထားပါတယ်။   စစ်တပ်အာဏာသိမ်းပြီး နောက်ပိုင်းကျပ် ငွေတန်ဖိုးဟာ ၈၀ ရာခိုင်နှုန်း ကျော် ကျဆင်းပြီး ငွေ ကြေးဖောင်းပွခဲ့တယ်လို့ အရပ်သားအစိုးရရဲ့ အကြံ ပေးစီးပွား ရေးပညာရှင် ရှောင်တာနဲလ်က ပြောကြားထားပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA