Даврон Эргашев: "Бунёдкор" совринли ўринлар учун курашади...” скачать в хорошем качестве

Даврон Эргашев: "Бунёдкор" совринли ўринлар учун курашади...”

Суперлига баҳсларини мувафаққиятли бошлаган Тошкентнинг “Бунёдкор” жамоаси учинчи турда ҳам зафарли одимини давом эттирди. Бу гал “Истиқлол” ўйингоҳига сафар уюштирган “Қалдирғочлар” дебютант “Андижон”ни йирик ҳисобда мағлубиятга учратишди. Биз учрашув якунлангач тошкентликлар сардори Даврон Эргашевнинг ўйин ҳақидаги фикрлари билан қизиқдик. “БУНЁДКОР” НАВБАТДАГИ ҒАЛАБАСИНИ ҚЎЛГА КИРИТДИ ВА ТУРНИРНИ ЙЎҚОТИШЛАРСИЗ ДАВОМ ЭТТИРМОҚДА. ЎЙИН ҲАҚИДА НИМАЛАРНИ АЙТА ОЛАСИЗ? Гувоҳи бўлганингиздек бугунги ўйинга “Андижон” жамоаси ҳам яхши тайёргарлик кўрган экан. Улар кичик хатолар эвазига мағлуб бўлишди. Ўйлайманки, жамоа кейинги учрашувларда ўз ўйинини кўрсатиб яхши натижаларга эриша олади. Биз эса мазкур ўйинда фақат уч очкони кўзлаган ҳолда майдонга тушдик. Шукрки ўйлаган режаларимиз иш берди. Йигитлар соғ-саломат бундан ҳурсандмиз. ЖАМОАНГИЗ МАКСИМАЛ НАТИЖА БИЛАН ТУРНИР ЖАДВАЛИДА ПЕШҚАДАМЛАРДАН БИРИ БЎЛИБ ТУРИПТИ. МАВСУМ АВВАЛИДА МАНА ШУНДАЙ МУВАФАҚҚИЯТЛИ СТАРТНИ КУТГАНМИДИНГИЗ? Албатта, нима учун йўқ? Биз мавсумга уч ой давомида совуқни совуқ демай турли синовларга қарамасдан астойдил тайёргарлик кўрдик. Чемпионатга тайёргарлик кўришнинг охирги қисмини Анталияда ўтказдик ва ерда қатнашган ўртоқлик ўйинларимиздан келиб чиқиб бу йил совринли ўринлар учун курашсак бўлади деган ниятда эдик. Худога шукур ҳаммаси кутилганидек бошланди. МАВСУМ АВВАЛИДА “БУНЁДКОР”ДА РАХБАРИЯТ ВА БОШ МУРАББИЙ АЛМАШИНУВИ БОРАСИДА БИРОЗ ТУШУНМОВЧИЛИКЛАР ЮЗ БЕРДИ. БУ ҲОЛАТ ТАЙЁРГАРЛИККА ТАЪСИР КЎРСАТМАДИМИ? Йўқ албатта. Футболчиларнинг иши майдонга тушиш ва бор куч маҳоратини ишга солиш, мухлисларга чиройли ўйин ҳамда яхши натижалар тақдим қилиш ҳисобланади. Қолгани бизнинг ишимиз эмас. “АНДИЖОН” МУХЛИСЛАРИ ЎЗ СУЮКЛИЛАРИ ДАРВОЗАСИ ТОМОН БЕЛГИЛАНГАН ПЕНАЛЪТИ БОРАСИДА ҲАКАМГА ЭЪТИРОЗ БИЛДИРИШМОҚДА. ҲАКАМНИНГ ҚАРОРИ БОРАСИДА СИЗ ҚАНДА ФИКРДАСИЗ? Ҳакам бу вазиятда менданда яқинроқ турганди. У ерда пеналъти бор деб топилдими, демак шундай.