લસુન્દ્રા: પાટીદાર દીકરીએ આંતરજ્ઞાતિય લગ્ન કરતા પાસ અને SPG ના આગેવાનો પરિવાર ને મળ્યા... скачать в хорошем качестве

લસુન્દ્રા: પાટીદાર દીકરીએ આંતરજ્ઞાતિય લગ્ન કરતા પાસ અને SPG ના આગેવાનો પરિવાર ને મળ્યા...

ખેડા જિલ્લાના કઠલાલ તાલુકાના લસુન્દ્રા ગામમાં પાટીદાર સમાજની ૧૯ વર્ષીય દીકરીએ રબારી સમાજના યુવક સાથે પરિવારની મરજી વિરુદ્ધ આંતરજ્ઞાતિય લગ્ન કર્યા હોવાનો મામલો સામે આવતા સામાજિક સ્તરે ચકચાર મચી છે.આ સમગ્ર ઘટનાને લઈ પાસ અને સરદાર પટેલ ગ્રુપના આગેવાનો લસુન્દ્રા ગામ પહોંચ્યા હતા. જેમાં વરુણ પટેલ, દિનેશ બાંભણીયા, પૂર્વિન પટેલ સહિતના આગેવાનો પાટીદાર પરિવારને મળ્યા અને પરિસ્થિતિ અંગે માહિતી મેળવી હતી. આ દરમિયાન ગામના તથા સમાજના અન્ય લોકો પણ મોટી સંખ્યામાં પાટીદાર પરિવારના ઘરે ઉપસ્થિત રહ્યા હતા.દીકરીની માતા રેણુકાબેન પટેલે વીડિયો મારફતે રબારી સમાજ સમક્ષ પોતાની દીકરીને પરત લાવવાની ભાવુક અપીલ કરી છે. તેમણે જણાવ્યું કે દીકરીના વર્તનમાં અગાઉ કોઈ શંકાસ્પદ બાબત જોવા મળી નહોતી અને સમયસર ઘરે આવતી હતી.પાટીદાર આગેવાન દિનેશ બાંભણીયાએ જણાવ્યું હતું કે, “આ મુદ્દે સામાજિક સુલેહ જળવાઈ રહે અને વર્ગવિગ્રહ ન સર્જાય તે માટે અમે શાંતિપૂર્ણ રીતે સામે પક્ષના આગેવાનો સાથે ચર્ચા કરી રહ્યા છીએ. પહેલા દીકરીને અમારી સામે લાવવામાં આવે, ત્યારબાદ કાયદાકીય મુદ્દાઓ પર વિચાર કરવામાં આવશે.”બીજા આગેવાન અલ્કેશ પટેલે જણાવ્યું કે, “સમાજનું રક્ષણ અને છેતરપિંડી જેવી ઘટનાઓ અટકાવવા અમે અહીં આવ્યા છીએ. ઘણીવાર માલમિલકત માટે પણ દીકરીઓને ભુલાવવામાં આવતી હોય છે. રબારી સમાજના આગેવાનો દ્વારા દીકરીને પરત કરવાની આશા વ્યક્ત કરવામાં આવી છે અને ચર્ચાઓ ચાલુ છે.” આંતરજ્ઞાતિય લગ્નના મુદ્દે હાલ રાજ્યમાં વિવિધ વિવાદો સામે આવી રહ્યા છે. અગાઉ લોકગાયક કિંજલ રબારીએ અન્ય સમાજમાં લગ્ન કરતા પણ મોટો સામાજિક વિવાદ સર્જાયો હતો. હાલ લસુન્દ્રા ગામના આ મામલે બંને સમાજના આગેવાનો શાંતિપૂર્ણ રીતે ઉકેલ લાવવા પ્રયાસરત હોવાનું જાણવા મળી રહ્યું છે.