GJEL I MBUSHUR/ VERE E NGROHTE E AROMATIZUAR (Receta nga znj.Katerina) скачать в хорошем качестве

GJEL I MBUSHUR/ VERE E NGROHTE E AROMATIZUAR (Receta nga znj.Katerina)

“Kendi I gatimit” nga znj.Katerina ne News24 – 30 dhjetor, 2020 GJEL I MBUSHUR 1 gjel deti 2-3 lgj gjalpë Trumzë ose rozmarinë Cipë portokalli Kripë, piper Mbushja: 300-400 gr mish të grirë 100-150 gr mëlçi 2-3 fetëza pançetë 2 feta bukë të thekur në kubikë 10-15 gështenja 2 kokrra mollë 1 kokërr portokall 1 qepë të thatë ½ filxhan (çaji) arra ose stika pishe ½ filxhan kumbulla të thata 1 gotë konjak Vaj ulliri Kripë, piper Në një tigan të thellë hedhim pak vaj ulliri dhe vendosim të kaurdisen pançeta, mishi i grirë dhe mëlçitë. Mundohemi që kur t’i hedhim në tigan t’i vendosim të veçuara që në fillim të kaurdisen më vete dhe pastaj së bashku. Shtojmë më pas qepën, kripë, piper dhe vazhdojmë kaurdisjen derisa qepa të zbutet. Presim mollët në kubikë të vegjël, qërojmë gështenjat e ziera, grijmë arrat, presim bukën e thekur në kubikë, largojmë bërthamat e kumbullave të thata dhe të gjithë këta përbërës i shtojmë në tigan. I trazojmë për 1-2 minuta duke i shuar më pas me 1 gotë konjak dhe lëngun e cipën e një portokalli. E largojmë tiganin nga soba dhe e lemë të ulë pak temperaturën. Vendosim gjelin në tryezën e punës (e rëndësishme është që gjeli i detit duhet të jetë i temperaturës së ambjentit, dmth të jetë nxjerrë nga frigoriferi të pakten 40 minuta më parë). E lyejmë gjelin mirë me kripë piper, trumzë dhe gjalpë të shkrirë. Hapim pjesën e gjoksit duke veçuar lëkurën dhe në pjesën e brendshme të lëkurës vendosim pak gjalpë. E spërkasim nga jashtë dhe brenda me kripë dhe piper dhe më pas mbushim pjesën e barkut. Marrim një spango kuzhine duke filluar nga pjesa e bishtit, këmbët dhe krahët. E lidhim mirë që mbushja të qendrojë e ngjeshur dhe e lyejmë gjelin me vaj ulliri duke e masazhuar. E vendosim gjelin e mbushur në tavë dhe e vendosim në furrë të parangrohur në temperaturën 220 gradë fillimisht për 40-45 minuta dhe më pas ulim temperaturën në 160 gradë, e mbulojmë me letër kuzhine ose kapak dhe e lemë të piqet ngadalë për rreth 3 orë. Në fund e lyejmë gjelin me pak gjalpë dhe mjaltë, e lemë 5 minuta të marrë ngjyrë të artë dhe e kemi gati për servirje. Shenim: Kjo është mënyra më e mirë e pjekjes së gjelit që mund t’a servirim me disa mënyra me mollë të mbushura, me kulaç ose me bukë misri. Mënyra e parë: Heqim lëngjet që dalin gjatë pjekjes dhe shtojmë rreth e rrotull gjelit mollët e mbushura me masën e përgatitur të mbushjes së gjelit. Mollët i vendosim të piqen në 30 minutëshin e fundit të pjekjes së gjelit (pa kapak ose letër). Lëngjet e nxjerra të gjelit i reduktojmë në një tigan sa të bëhen si një salcë e lidhur dhe e servirim me mishin dhe mollët e pjekura. Mënyra e dytë: Lëngjet që dalin gjatë pjekjes i shtojmë në një tigan ku kemi kaurdisur më parë qepë me nenexhik. E lemë të marrë valë dhe thërrmojmë kulaçin duke e trazuar mirë. Në të njëjtën mënyrë veprojmë dhe me bukën e misrit por tek qepa shtojmë dhe pak presh. VERE E NGROHTE E AROMATIZUAR 1 litër verë e kuqe 2-3 lugë mjaltë ose sheqer 5-6 feta të holla xhinxhër 3-4 fara kardamom ose bahar 1 kokërr portokall 1 shkop kanelle 1 gotë konjak Spec djegës, kokrra piperi Për servirje: Shegë ose rrush të thatë Në një tenxhere hedhim verën, portokallen e prerë në feta, kanellën, farat e kardamomit dhe xhinxhërën. E vendosim të ngrohet të marrë 2-3 valë dhe më pas e heqim duke shtuar specin djegës, disa kokrra piperi, konjakun dhe mjaltin. E përziejmë mirë, e lemë 2-3 minuta dhe më pas e servirim të ngrohtë me kokrra shege, rozmarinë ose me rrush të thatë.