ආතතියකින් තොර සාර්ථකත්වය скачать в хорошем качестве

ආතතියකින් තොර සාර්ථකත්වය

මෙම දේශනයේ දී අජාන් බ්‍රහ්ම් මහා තෙරුන් වහන්සේ විස්තර කරන්නේ තම මනස කාර්යක්ෂමව භාවිතා කර මොළයේ ජීව ශක්තිය වැඩි කර ගැනීම පිළිබඳවයි. එවිට සාර්ථකත්වය සිනහ මුසු මුහුණින් ළඟා කර ගත හැකි බව අජාන් පවසනවා. ආතතිය ඇති වීමේ හේතු ලෙස අජාන් බ්‍රහ්ම් පෙන්වා දෙන්නේ මනසෙහි 'බොහෝ දේ රඳවා ගෙන සිටීම’, කාර්ය බහුල පීඩාකාරී අවස්ථා වල දී 'විවේකයක් නො ගැනීම' සහ අනාගත කටයුතු අසාර්ථක වේ යන භයෙන් ජීවත් වීම බවයි. නමුත් ඒ ආතතිය අපට මඟ හැරිය හැකියි. අතීතය හැකි ඉක්මනින් අතහැර මනස සැහැල්ලු කර ගැනීම, විවේකය මානසික සුවයට කරන ආයෝජනයක් යන විශ්වාසයෙන් මදකට වගකීම් අතහැර විවේකයක් ගැනීමෙන්. තම වගකීම් ගැන අනිසි ලෙස සිත සිතා නො සිට ධනාත්මක ව වගකීම් ඉටු කිරීම ඒ වාගේ ම ඕනෑම අසාර්ථකත්වයක් අපගේ වර්ධනයට තුඩු දෙන අත්දැකීමක් ලෙස පිළිගැනීම. ආතතියෙන් මිදෙන්නේ කෙසේ දැයි දැන සිටීම ඉතා වැදගත් ය. අජාන් බ්‍රහ්ම් තම දේශනාව සාරාංශ කරන්නේ බියෙන්, ආතතියෙන් තොර ජීවත් වීමට වැදගත් වන කුසලතා නිරූපණය කරන මහාචාර්යවරයෙකුගේ සහ වයෝවෘද්ධ නාවිකයෙකුගේ කතාවක් පවසමින් ය.