Lushnje, banoret e Qerretit financojne per te ndertuar rrugen e zones | ABC News Albania скачать в хорошем качестве

Lushnje, banoret e Qerretit financojne per te ndertuar rrugen e zones | ABC News Albania

Në Qerret të Lushnjës, banorët nuk kanë pritur më premtimet për shtrimin e rrugës së tyre. Ata janë bashkuar dhe me lekët e tyre dhe po investojnë kilometrat të cilat i kanë penalizuar në bujqësi e në jetën e përditshme. Kanë një jetë që presin për t’ju shtruar rruga, por asnjëherë nuk ndodhi. Atë që nuk e bënë ata që i takon e kanë bërë vetë banorët e fshatit Qerret i vjetër në Bashkinë Lushnje. Janë 50 familje të këtij fshati, të cilët me kontributin e tyre financiar vendosën që të sistemojnë sadopak këtë rrugë. Por sipas banorëve, kjo nuk është hera e parë që ata e shtrojnë vetë rrugën,kjo gjë ndodh 2 herë në vit. Banori 1: “E bëjmë 2 herë në vit me fondet tona.” Banori 2: “Gjithmonë kjo rrugë ka qenë problematike. Siç e shikoni edhe vetë çakullin e kemi blerë me lekët tona.” Banori 3: “Në dimër të mbyt uji dhe balta, në behar të mbyt pluhuri. Këtu nuk kalohet dot.” Vështirësitë janë si në dimër me baltën edhe në verë me pluhurin. E vetmja mundësi ekonomike është bujqësia, por pa rrugë ajo ka mbetur pas në këtë fshat duke rënduar gjendjen ekonomike të banorëve. “Vuajmë siç e shikoni vetë. Merremi me bujqësi, mallim s’e kalojmë dot.” Të kontaktuar në telefon përfaqësues të Bashkisë Lushnje thonë se kjo rrugë është pjesë e unazës, e cila do të lidhë këtë fshat me autostradën Lushnje - Berat dhe do të jetë e shtruar brenda vitit 2019./abcnews.al