“ခွေးစိတ်ပေါက်ပြီး ပြည်သူကို ရန်သူလိုသဘောထားပြီး ကြဲသွားတာ” скачать в хорошем качестве

“ခွေးစိတ်ပေါက်ပြီး ပြည်သူကို ရန်သူလိုသဘောထားပြီး ကြဲသွားတာ”

“ခွေးစိတ်ပေါက်ပြီး ပြည်သူကို ရန်သူလိုသဘောထားပြီး ကြဲသွားတာ” ဝန်းဝန်သိုမြို့နယ် တာဝန်ရှိသူတစ်ဦးနဲ့ ဆက်သွယ်မေးမြန်းချက် ဝန်းသို နန်းခမ်းရွာ လေကြောင်းတိုက်ခိုက်ခံရမှု သေဆုံးသူ ၂၆ ဦးနဲ့ ဒဏ်ရာရသူ ၂၅ ဦးရှိ ထက်ဖြိုး/ MFP ၊ ဧပြီ - ၁၀ စစ်ကိုင်းတိုင်း ကောလင်းခရိုင် ဝန်းသိုမြို့နယ်ထဲက နန်းခမ်းရွာကို စစ်အုပ်စုက လေကြောင်းနဲ့ ဗုံးကြဲပစ်ခတ်တိုက် ခိုက်ခဲ့ ရာမှာ သေဆုံးသူ ၂၆ ဦးနဲ့ ဒဏ်ရာရရှိသူ ၂၅ ဦးအထိရှိတယ်လို့ ဝန်းသိုမြို့နယ် တာဝန်ရှိသူတစ်ဦးက ပြောပါ တယ်။ စစ်အုပ်စုရဲ့ လေကြောင်းတိုက်ခိုက်မှုကြောင့် နေရာမှာတင် ပွဲချင်းပြီးသေဆုံးသူ ၂၄ ဦးရှိပြီး ဆေးကုသမှုခံယူ နေ ချိန်မှာ နောက်ထပ်နှစ်ဦး ထပ်မံသေဆုံးသွားတာဖြစ်တယ်လို့ မြို့နယ်တာဝန်ရှိသူက ပြောပါတယ်။ သေဆုံးသူတွေထဲ့ အသက်မပြည့်သေးတဲ့ ကလေးငယ်တွေအပါအဝင် အမျိုးသား၊ အမျိုးသမီး အရွယ်စုံပါဝင်ပြီး စစ် အုပ်စု လေကြောင်းကနေ မကြာခဏ ပျံဝဲနေတာကြောင့် အလောင်းကောက်ယူတာနဲ့ ဈာပနကိစ္စတွေကိုဝရုန်း သုန်းကား လုပ်ဆောင်နေကြရတယ်လို့ ဆိုပါတယ်။ အခုလိုအသေအပျောက်နဲ့ ထိခိုက်ဒဏ်ရာရရှိမှုများပြားတာဟာ နန်းခမ်းရွာထဲက တိုက်နယ်ဆေးရုံအနီး လမ်းဆုံ လမ်းခွဲနေရာမှာ ခရီးသွားတွေတစ်ထောက်နားနေချိန် ဗုံးကြဲပစ်ခတ်တိုက်ခိုက်ခံရတာကြောင့် ဖြစ်တယ်လို့ဆိုပါ တယ်။ အဲဒီလမ်းဆုံလမ်းခွနေရာမှာ ခရီးသွားတွေတစ်ထောက်နားရာ အရိပ်ကောင်းတဲ့ ကုက္ကိုပင်တန်းလည်းရှိပြီး အဲဒီနေ ရာမှာ ဈေးဆိုင်တန်းတွေလည်းရှိတယ်လို့ ဆိုပါတယ်။ နန်းခမ်းရွာလေကြောင်း တိုက်ခိုက်ခံရမှုကြောင့် ဈေးဆိုင်အပါအဝင် လူနေအိမ် ရှစ်လုံးနဲ့ နန်းခမ်းတိုက်နယ် ဆေးရုံ ဝင်းထဲက ဆရာဝန်တွေနေထိုင်တဲ့ တိုက်တစ်လုံး ဗုံးထိမှန်ပျက်စီးသွားတယ်လို့ ဆိုပါတယ်။ နန်းခမ်းတိုက်နယ် ဆေးရုံမှာ ကုသရေး လုပ်ငန်းလည်ပတ်မှုမရှိတာကြောင့် ဆေးရုံထဲလူမရှိတဲ့အတွက် ဆေးရုံးဝင်းအတွင်း လူအထိ အခိုက် မရှိခဲ့ဘူးလို့ ဆိုပါတယ်။ စစ်ကိုင်းတိုင်း၊ ကောလင်းခရိုင်၊ ဝန်းသိုမြို့နယ်၊ နန်းခမ်းရွာကို ဧပြီလ ၉ ရက် နေ့လယ် ၃ နာရီလောက်မှာ စစ်အုပ် စုက ဂျက်ဖိုက်တာနဲ့ ဗုံးလေးလုံး ထက်မနည်း ကြဲချခဲ့တာဖြစ်ပါတယ်။ MFP ရဲ့ သတင်း၊ ဆောင်းပါးနဲ့ ရုပ်သံတွေကို ယူကျူ့နဲ့ တယ်လီဂရမ်မှာလည်း ကြည့်နိုင်ပါတယ်။ #Mandalay_Free_Press_MFP