#呂爵安 скачать в хорошем качестве

#呂爵安

《Channel音樂》呂爵安新歌《月光奏明曲Moonlight Sonata in “E” minor》😎古典音樂加跳唱❤️變身惡魔唱出以偏概全的社會病態⭐️⭐️ 向來愛在MV中帥氣登場的Edan呂爵安，今天推出的新歌《月光奏明曲Moonlight Sonata in “E” minor》一反常規，MV以極度邪惡的造型登場，唱出「以偏概全」的社會病態。單看歌名，大家或會想起貝多芬的《月光奏鳴曲》，但為何歌名又略有不同？ Edan道出創作靈感：「呢首歌做咗成年，當時係想做Classical加跳唱嘅作品，跟住就揀咗貝多芬嘅《月光奏鳴曲》，然後我哋再諗到用月亮去延伸。月亮本身唔識發光，只係因為太陽嘅照射，人類喺地球上望上去，先見到月圓月彎唔同形狀，但佢本身係暗黑球體。我哋跟住諗到，想藉此比喻喺資訊咁發達、速食嘅社會，我哋睇每一件事就好似太陽照落去，佢係咩形狀就係咩形狀，唔會細心用時間去研究。」 經過填詞人T-Rexx的巧思，歌名中的「鳴」變了「明」，有「道出真相」的含意。英文名亦把歌曲原本C Sharp minor的調子，變成了E minor。 Edan再分享：「E就代表Edan，而Major、Minor平時喺音樂上有大調、小調意思外，其實亦有主流、非主流嘅意思，而今次歌曲係屬於Edan一啲Minor嘅想法，所以就用上E minor。今次Intro同Ending都係用咗貝多芬嘅《月光奏鳴曲》，以前學琴都有彈過，而且咁啱都係同一個Key，練起上嚟都好快，冇話好難，但中間嘅鋼琴Solo的確有啲考起我，因為太密太快，但都幾得意同具挑戰性，希望有一日可以喺舞台上可以表演到呢一Part俾大家睇啦！」 為突顯歌曲主題，MV造型亦很特別 – Edan除了帥氣彈鋼琴，更化身成惡魔！Edan說：「以惡魔形態出現，而且係唔同階段嘅進化，化妝同造型都好大突破，以往冇試過。最初一聽到呢首歌，就已經好想有呢個模式、變身嘅狀態。上咗月亮，落返嚟就變咗另一個形態，呢個concept喺好耐之前已經喺我腦海裡面有畫面，所以好多謝導演可以幫我實行到呢樣嘢。」 這個造型亦使Edan想起參加《全民造星2》時的Joker造型。他表示：「呢個造型令我諗返起《造星2》玩Joker嘅一啲瘋癲同黑暗形態，又或者係哈利波特嘅表演，但Solo作品一直未有呢個機會，今次係幾好嘅Timing去嘗試。」 Edan飾演的惡魔，其實揭露了世界人類的醜惡。這個惡魔造型以漸進式呈現，有少少煙燻眼狀、塗黑手指甲再配以道具指甲，到臉上的紋愈來愈多，雙手以彩繪形式塗至漆黑，再配以黑色翅膀。Edan感激地表示：「以前都未試過呢啲造型，製作過程需時都比較長，真係辛苦化妝師幫我搞，唔簡單！出嚟效果好滿意。」 講明是跳唱作品，MV當然不乏跳唱畫面，Edan對此很難忘：「裡面好多長鏡頭跳舞場口，好似喺枱上面，或者喺皇座上面，都係一Shot落跳舞，另外有對翼喺好混亂嘅狀態等等，以往都係比較少嘗試，所以今次體驗真係好在喺呢幾年對表演同跳舞，都有少少嘅進步，今次先Handle到呢啲嘢，如果唔係以前嘅自己應該做唔到而家MV想表達嘅嘢，當然可以做得好好多，但呢個Timing都係幾有趣，希望大家都鍾意。」 歌曲MV：   • Edan 呂爵安 《月光奏明曲 Moonlight Sonata in “E“ mi...   編輯：Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel #hongkongsingerchannel #香港歌手 #hksinger #hksinging #hkscchannel #hkig #月光奏明曲MoonlightSonatainEminor #貝多芬 #月光奏鳴曲 #edan #edanlui #呂爵安 #mirror #mirrorweare MIRROR Edan Lui 呂爵安 Edan Lui 呂爵安後援團 EDAN LUI 呂爵安澳門後援會 EDAN LUI Macau Fanclub Edan Lui Malaysia Fan Club 呂爵安馬來西亞後援會 Edan Lui 呂爵安美國加拿大爵屎討論區