Pu Lamkhojang Kigpen Guinu thusim achinho houlimna 4 скачать в хорошем качестве

Pu Lamkhojang Kigpen Guinu thusim achinho houlimna 4

Published on 31/07/2018 Pu Lamkhojang Kigpen Guinu thusim achinho houlimna GUINU THUSIM KIPGEN SUNG’A PU LE PA TEN PU SINGSEI LE TONGMANG LE SINGSOON ANA HOLNAO THUSIM Sl. No.1 : Pu Khupsing Chapa A thum Chan nale ali chan na: 1. Sehvuh, 2. Sehjem. Pu Sehvuh in chapa thum(3) ahing in- i) Singhol, ii) Singsei, iii) Tongmang Pu Sehjem in Chapa Ni(2) ahing in- i) Singkom, ii) Singson. Pu Sehvuh Guinu thu chomcha. · Pu Sehvuh Chapa thum ho : i) Singhol, ii) Singsei, iii) Tongmang Pu Sehvuh Chapa thum lah a atah pen Singhol Guija Chapa Atah pen ho: -Singhol Chapa : i) Chonhang ii)Vuhhang, iii)Vuhdou, iv)Mundong. Chonhang Chapa li (4) ho i) Holtou ii) Hollun iii) Holkom iv) Holthang Holtou chapa sagi (7) ho i) Hangzou Kipgen ii) Hanghal iii) Ngaite iv) Hangpa v) Hangson vi) Hanglun vii) Hangkhol Vuhhang chapa tahpen : 1. Genkem 2. Genlun. Genkem chapa teho : i) Paochel, ii) Holhel, iii) Hanglo. Paochel chapa teho : i) Kampao, ii) Holla, iii) Neolim. Kampao l Chapa tahpen : Kamjang chapa tahpen : Paolhun.Kakching a alhamangtai Genlun Chapa ni (2) i) Helkhokai ii) Limtong Helkhokai Chapa ni (2) i) Ladem Hemkholet Ladem chapa ni (2) i) Khaikholam ii) Songkholam Khaikholam Chapa Demkhkolal Chapa Lamjakap Chapa Seikhojang Songkhkolam Chapa i) Demmang Hemkholet Chapa ni (2) i) Khaimang ii) Songkholal Limtong chapa Limjahem Chapa ni (2) i) Tongkai ii) Tongneh Tongkai chapa thum (3) i) Hemkhopao ii) Hemkhokam iii) Seikholun Hemkhopao chapa li (4) i) Kaikhosat ii) Nehkhothang iii) Lunminlen iv) Kaikhogin Lunminlen chapa Paominlal ( Agom a Khang som leh khang nga( 15 Generation) Kipgen Chapa te lah a Khupsing Kipgen chapa Sehvuh leh Sehjem thusim chomcha kiti lekhabu neocha sung a khanggui thusim hung kisun ho hilchet na anoija ahin kipei. No.1 : A.D 1815 kummin Pu Langngul Kipgen Haipipa naopa, Chahsat kho a cheng in hiche laichun guinu thu hi Pu Helkhup Doungel, Aisanpa kom ma ana lan ahi. Themthu/Thimthu ana lah na achun Pu Singsei le Pu Tongmang thusim jong ana jaovin ahi. No.2: Hichi lekhabu neo sung’a thusim jouse hi asei jou lhon phat in chon na ding dol aseikhom kit lhon in ahi. No.3: A. Pu Langngul Kipgen in hitin aseija, “ Pu Helkhup Doungel nangman ikihou na hi iti na gel em?” B. Pu Helkhuo DoungelAisanpan hitin ahoupin ahi; “Hepa! Pangul Kipgen keiman nang ka doh tahsih a ibol’a Nachapa keima hi neidoh ham? tin adonbut in ahi. C. Pu Langngul Kipgen in Pu Helkhup Doungel nangma hi Khangthah hijong le chun Mi Upa nahin; chujong leh khankho he jong nahijeh a imajouse hi kanganse nahe. D. Pu Helkhup Doungel in, “Hepa! Pangul Kipgen, nang manjong Custom lhingsit na nahet ahijeh in; chuti’a nei nganse ahile kasei ding hitan te.” tin adonbut in ahi. E. Pu Helkhup Doungel in hitin aseije, “Hepa! Pa Ngul inKhonalhun phat le na nupa-pa/ Haosa pu kom ma Jubel khat tung in lang Haosa,Upa,Semang, Pachong hon aseilhah pen-pen chu nakipoh ding ahijing’e.” tin vailhah na anei tai. Sl No : 4. A. Pu Langngul Kipgen, Aisan kho a kon na ahung kile in ahung lhunphat in Pu Helkhup Doungel pa seidung juijin, JUBEL khat haosa in na apo in Jubel chu abuh in Haosa,Upa, Semang, Pachong ho toh achep khom taove. Pu Langngul in hi tin aseije, “Pute ho kasopiteu Singsei hohi ipi kabol uva kalhat doh thei diu ham” tin Jukhon chung’a a tao tan ahi. B. Chahsad Haosa,Upa,Semang, Pachong hon hitin a don but uvin ahi, “ Chuti’a Upa Helkhup Doungel pan nan thupeh ahileh keihon jong Upa thusei Chu kanel lou diu ahi, ahinlah Singsei pan Jubel Khat Chahsat Inpi’a atun na Keima Singsei hi tuni’a kipat in Chahsat te ban tah a neikoi uvin lang Singsei Haokip Neititao vin atao jeh a kalah lut u ahibouvin, Tua nang man kasopi Kanaopa ahi natileh kada pouve, anoija natoh ding khat kasei peh diu ahi atiu vin ahi. C. Jubel khat le Vohchal tuh nga(5) khat natha ding ahi tin thupih aneitao vin ahi. D. Pu Langngul Kipgen in hitin aseije “ Kapu ten neipih uhi kaki pah lheh jeng in ahi, ahinlah natupao keima hin athu kahung doh vang in Neojo kahi bouvin, Kaupa Kholim Singhol Bulpipa Komma athu galhut ingting pute Chahsat Haosa,Upa Semang,Pachong hon nasei lhah u chu ka hung bol diu ahi. tin tao na aneijin ahi. Atao dungjui in Haosa,Upa,Semang,Pachong hon phat chomkhat na ding’in alha kang taovin ahi. Agongtoh - Vuhjem Insung, Chairman/Secretary