“IL-KLIEM TA’ LOUIS GALEA WEĠĠAGĦNI” – OMMHA MIETET BIL-KANĊER скачать в хорошем качестве

“IL-KLIEM TA’ LOUIS GALEA WEĠĠAGĦNI” – OMMHA MIETET BIL-KANĊER

ONE.COM.MT •Kliem Louis Galea weġġagħni u nissel fiha rabja għaliex il-mard ma għandux kuluri u qatt ma kellu jintuża dak il-kliem biex tipprova tiskorja punti politiċi. Dan huwa kliem Antonella Rogers, mara li ssieltet mal-kanċer u lill-ommha tilfitha minħabba din il-marda. Hija rreaġixxiet għall-fatt li Louis Galea, il-persuna mqabbda mill-Kap Nazzjonalista Adrian Delia biex tagħmel ir-riformi, qal li l-Partit Laburista huwa partit li għandu cancer u huwa partit marid. KITBA EDWARD MONTEBELLO FILMAT CHRIST BORG / NET / ARKIVJI Il-kummenti tal-eks Segretarju Ġenerali Nazzjonalista tat-tmeninijiet Louis Galea dwar li l-Partit Laburista għandu cancer ġabu l-kundanna ta’ bosta li mhux biss esprimew ir-rabja għal dawn il-kummenti deskritti insensittivi iżda anki ġabu l-uġigħ fost ħafna nies. Fuq il-midja soċjali spikkaw diversi kitbiet li fiha wrew l-għadab għal dak li qal Louis Galea, imqabbad mill-Kap Adrian Delia biex jagħmel ir-riformi fil-Partit Nazzjonalista. Fost dawk li kitbu kien hemm Antonella Rogers li sostniet li lil hinn mill-kuluri politiċi, id-diskors ta’ Louis Galea weġġaha ħafna. Aċċennat li ma kellux jintuża dak il-kliem biex tipprova tiskorja punti politiċi. ANTONELLA ROGERS OMMHA MIETET BIL-KANĊER “Ninsab iktar milli rrabjata, ninsab imweġġa’ għaliex meta tgħaddi minn dawn l-affarijiet, bħal ma ħafna nies oħra jgħaddu minn affarijiet oħra, imma f’dan ir-rigward jiena mill-cancer għaddejt, tweġġa’ u tweġġak ħafna għaliex jiena nemmen illi, nerġa’ ngħid ma nidħolx fil-politika, hemm ħafna kliem ieħor li tista’ tuża biex tgħaddi messaġġ lil ħaddieħor.” Rogers li ssieltet mal-marda tal-kanċer u tilfet l’ommha bl-istess marda, spjegat magħna kif id-diskors li semgħet il-Ħadd fetħilha feriti. ANTONELLA ROGERS OMMHA MIETET BIL-KANĊER “Jiena mititli l-mummy tiegħi bil-cancer sentejn ilu waqt li jien kont qed niġġieled il-battalja wkoll, jiġifieri tista’ timmaġina xi tħoss.” Qalet kif id-diskors ta’ Louis Galea ma niżilx tajjeb ma’ nies fil-Partit Nazzjonalista. ANTONELLA ROGERS OMMHA MIETET BIL-KANĊER “Żgur li jiena naf ħafna nies fil-partit u li żgur ma niżlitilhomx tajjeb din.” Louis Galea tkellem il-Ħadd waqt is-suppost analiżi tal-gazzetti, propju ftit tal-ħin qabel ma tkellem il-Kap Nazzjonalista Adrian Delia. Louis Galea jitkellem minn Sun u Delia jitkellem minn Sun Huwa saħaq li l-Partit Laburista huwa partit marid u ttih kemm ittih trattament għall-kanċer, huwa partit marid. LOUIS GALEA EKS MINISTRU NAZZJONALISTA “Sfortunatament fil-Partit Laburista, partit politiku illi jippermetti l-affarijiet li għexna fl-aħħar snin, hu partit illi għandu cancer, għandu cancer. Issa tista’ ttih ħafna treatment u tagħmel, u ħafna affarijiet imma marid, partit marid.”