San Marcos 4, 26-34. Evangelio en Q'eqchi'. Viernes 30 enero 2026. скачать в хорошем качестве

San Marcos 4, 26-34. Evangelio en Q'eqchi'. Viernes 30 enero 2026.

Evangelio en Q'eqchi'. Viernes 30 enero 2026. San Marcos 4, 26-34 Kixye ajwi' reheb': "Jo'ka'in li xnimajwal awab'ejihom li Yos: kama' jun li winq kixhir li iyaj sa' ch'och'. Taawarq malaj taawakliiq, chi q'eq malaj chi kutan, li iyaj nayo'laak, nak'iik, chi moko a'an naxnaw chan ta wi' ru. Li ch'och' na'uuchink xjunes rib'; xb'enwa naq'unq'utk, chirix a'an natz'utujink, moqon na'uuchink chi naab'al. Ut naq ak xq'ano'k li ru, chi junpaat naq'olmank xb'aan naq xwulak xq'ehil li q'olok". Kixye ajwi': "K'aru tqajuntaq'eeta wi' li xnimajwal awab'ejihom li Yos, malaj k'a' chi jaljookil ru aatin taaqach'olob' wi'? Chanchan jun t'orol li mostaas: naq na'awmank sa' ch'och', q'axal kach'in chiruheb' chixjunil li iyaj li wankeb' sa' ruuchich'och'; ab'an naq ak x'awmank, nak'iik, naxq'ax ru chixjunileb' li awimq ut ninq li ruq' naxk'e. Chi jo'kan eb' li xul li neke'rupupik chiru choxa neke'ruuk chi sukub'k sa' xmu". Ut rik'in naab'al chik jaljookil ru aatin jo'eb' a'in, li Jesus naxye reheb' li Aatin, a' yaal b'arwan neke'ruuk xtawb'al ru; ut ink'a' naraatinaheb' chi maak'a' ta jaljookil ru aatin. Ab'an reheb' li xtzolom, naq wankeb' xjuneseb', naxch'olob' ru chixjunil. Raatin li Qaawa'.