Ano ang totoong nangyari noong Martial Law? - скачать в хорошем качестве

Ano ang totoong nangyari noong Martial Law? -

Tahimik na naman ang Malacañang nitong Sept. 21, 2023 patungkol sa isang madilim na kabanata ng ating kasaysayan bilang isang bansa - ang Proclamation 1081 o ang Martial Law declaration ng diktador na si Pang. Ferdinand Marcos, Sr. Ika-51 taong aniversaryo ng Martial Law pero hindi man lang naglabas ng mensahe patungkol dito si Pang. Bongbong Marcos at VP Sara Duterte na naging tradisyon ng mga dating naupong pangulo at pangalawang pangulo na magbigay ng kanilang saloobin sa mahahalagang paggunita ng kasaysayan ng ating bayan. Ultimong mga selebrasyon sa kaarawan ng isang yumaong personalidad ng tinitingala sa isang bayan ay nagpapahatid ng mensahe ang pangulo. Pero para sa Martial Law? Zero. Ano nga ba talaga ang mga nangyari sa Martial Law at ayaw itong pag usapan ng Pangulong BBM na anak ng dating diktador? Bakit tahimik din si VP Sara Duterte eh mismong kanyang Lola Soledad Duterte ay ang pinakamalaking kalaban ng mga Marcos sa Davao City? Kung buhay ang lola niya, siguradong tatawagin itong "Dilawan". Ating makakasama ang isang Martial Law survivor- si dating congressman at ngayon ay Bayan Muna chair Atty. Neri Colmenares, para pag usapan ang mga galaw ng gobyerno para baguhin ang pagkakaintindi ng mga Pilipino at ng buong mundo sa bangungot na kung tawagin ay Martial Law. At bakit hindi tayo maaring manahimik at mag move on na lamang pag ating kasaysayan ang pag uusapan. Tuloy po kayo sa isang malalimang talakayan dito lamang sa loob ng Press Room.