#TF скачать в хорошем качестве

#TF

近日長沙灣一間街坊茶記：世一冰室，憑一份靚靚炸雞於IG爆紅，大讚其炸雞皮脆肉嫩，非常入味，跟餐半隻才賣$78，性價比超高；由原本只有街坊幫襯，引來不少人跨區去食，銷量由平日賣7-8隻，增至每日賣20-30隻 (約50份/半隻)，更有客人大讚比灣仔燒雞好食！！ 世一冰室於長沙灣開業不到3年，由90後老闆Michael跟太太打理，他倆本身於灣仔君悅任職，於疫情期間決定創業開店。Michael說他愛吃雞，以往打工日子經常去食燒雞，到了現在開店，原來做一隻好食的燒雞，包含不少學問和技巧！ 「茶餐廳用差不多貨源冰鮮雞，所以結合中菜炸子雞做法，上皮水、風乾，淋油...... 細節要做得足。 」Michael說連改雞都有要求，「雞腳位斬得太高，炸熟之後，雞皮縮上去，好似着吊腳褲，賣梘唔靚之餘，滾油走入雞皮雞肉之間，令雞肉過熟，肉汁流失，有機會爆皮，炸雞就唔好食。 」 改好雞，用粗鹽、幼鹽、味椒鹽、五香粉、沙薑粉跟香葉八角，還有薑葱等醃雞2小時，味道有層次，不會死鹹； 跟着上皮水，材料用麥芽糖加紅醋、白醋令上色均勻，吊起風乾最少5小時。然後放入油鑊不停淋油炸至脹身，油溫要控製得好，且角度合適，由雞頸淋下去，經雞翼，直到雞皮上色變金黃，就可以準備出餐！炸雞今日準備，第二日炸，每次做30隻左右。 Michael是五星級酒店的高級侍酒師，經常跟大廚研究菜式，但終究不是紅褲子出身，他說多得背後有大師教路：「唐閣有一道名菜：片皮雞，大廚輝哥分享上皮水、風乾技巧。 」還有Michael口中的雞王：勇記海南雞老闆，多得這位多年老友傳授炸雞及改雞心得。他說為了找出最好的爐溫及時間，炸了過百次，炸雞都炸到怕！！ 疫情開工不足，收入不穩定，很多人想創業開店無可厚非，不過年輕人多是開cafe，貪其操作簡單，投資相對較少，怎會想到這兩個90後如此進取，一來就打大佬，開茶餐廳！！ 一日做足15-16小時，他跟太太無有做茶記經驗，遇到員工不聽話，廚師辭職，對廚房運作陌生，加上通關沒人......做得辛苦也唯有死撐，邊學邊做，Michale到處找朋友幫忙，甚至去茶記做散工，由醃肉、打汁學起，如何煮沙嗲、咖喱。 現時茶餐廳走西式+港式路線，雖然長沙灣茶記多、食肆多，競爭很大，不過現在出品穩定，Michael說雖不似當初以為做老闆很自在，但今日總算企穩陣腳，雖然沒賺錢，但也沒後悔過，總算走出另一條路！ 世一招牌炸雞$78/半隻(跟餐) $152/全隻(跟餐) 世一冰室@saiyatcafe_hk 地址：長沙灣順寧道253-263號恒寧閣地下 電話：2668 3898 營業時間：星期一至日7am-9:30pm 鳴謝：@poorjjfoodie 勇記海南雞@yungkee_hainan_chicken #炸雞 #世一冰室 #世一炸雞 #IG爆紅 #沙嗲牛肉 #長沙灣名物 #炸子雞 #勇記海南雞 #長沙灣美食 #香港茶餐廳及美食關注組 #TalkFood #Talkfood長沙灣