Кара-Сууда байгесине 1 млн коюлган футбол жана волейбол боюнча мелдеш жыйынтыкталды скачать в хорошем качестве

Кара-Сууда байгесине 1 млн коюлган футбол жана волейбол боюнча мелдеш жыйынтыкталды

Бүгүн, 8-май күнү Кара-Суу районунун Жоош айыл өкмөтүндө 17 айыл өкмөттүн арасында кичи футбол жана волейбол боюнча мелдеш жыйынтыкталды. Мелдешти «Исмаил ата» фонду уюштурган. Мелдештин байге фонду 1 млн сомду түзгөн. Мелдешке Кара-Суу районундагы 17 айыл өкмөттөн 18 кичи футбол командасы жана 18 волейбол командалары катышышкан. Эки күнгө созулган мелдештин жыйынтыгында волей боюнча мелдеште 1-орунду Жаңы-Арык айыл өкмөтүнөн келген команда алса, 2-орунду Папан айыл өкмөтүнөн келген команда багындырды. 3-орунга Жоош айыл өкмөтүнүн командасы татыктуу деп табылды. Ал эми кичи футбол боюнча мелдеште 1-орунду Жоош айыл өкмөтүнүн командасы алса, 2-орунду Савай айыл өкмөтүнүн командасы жеңди. 3-орунду Жаңы-Арык айыл өкмөтүнүн команда алды. «Исмаил ата» фондунун түзүүчүлөрдүн бири, Жогорку Кеңештин депутаты Искендер Матраимов айтымында мындай мелдеш 7 жылдан бери өткөрүлүп келүүдө. Мелдештин максаты айылдан спортчуларды өстүрүү болуп саналат. «Мына бүгүнкү спорттук мелдеш абдан жогоркуу деңгээлде өттү. Жылдан-жылга атаандашуу күчөп, спортко болгон кызыгууда да артып барууда. Мындай мелдештердин уюштурушубуздан максат айылдардан мыкты спортчуларды таптап чыгаруу болуп саналат. Өзүңөр билесиңер айылдардан чыккан эле балдар «Эрем» клубунда ойноп, эл аралык, республикалык мелдештерде алдыңкы орундарды камсыздап жүрөт. Мен ойлойм биздин ушундай жыл сайын өткөрүп жаткан спорттук иш чараларыбыздын натыйжасынан ушундай спортчулар өсүп чыгууда»,-деди ал.