കതിരൂര്‍ മനോജ് വധക്കേസ് പ്രതികളെ കയ്യാമം വെച്ചതിന് 16 പോലീസുകാര്‍ക്കെതിരെ നടപടി скачать в хорошем качестве

കതിരൂര്‍ മനോജ് വധക്കേസ് പ്രതികളെ കയ്യാമം വെച്ചതിന് 16 പോലീസുകാര്‍ക്കെതിരെ നടപടി

കൊച്ചി: കതിരൂര്‍ മനോജ് വധക്കേസ് പ്രതികളെ കോടതിയില്‍ കൊണ്ടുവരുമ്പോള്‍ കയ്യാമം വെച്ചതിന് 16 പോലീസുകാര്‍ക്കെതിരെ നടപടി. എറണാകുളം എആര്‍ ക്യാമ്പിലെ പോലീസുകാരോട് എആര്‍ ക്യാമ്പ് കമാന്‍ഡന്റ് വിശദീകരണം തേടി. 15 പോലീസുകാര്‍ക്കും ഇവരെ ഡ്യൂട്ടിയില്‍ നിയമിച്ച ഗ്രേഡ് എസ്‌ഐയ്ക്കുമെതിരെയാണ് നടപടി. കതിരൂര്‍ മനോജ് വധക്കേസ് വിചാരണയ്ക്കായി വ്യാഴാഴ്ച എറണാകുളം സിബിഐ കോടതിയില്‍ ഹാജരാക്കാന്‍ കൊണ്ടുവന്നപ്പോഴാണ് പ്രതികളെ കയ്യാമംവെച്ചത്. പ്രതികളെ തിരിച്ച് ജയിലിലേയ്ക്ക് കൊണ്ടുവരുമ്പോള്‍ കയ്യാമം വയ്ക്കരുതെന്ന് പോലീസുകാര്‍ക്ക് നിര്‍ദ്ദേശം ലഭിച്ചതായാണ് റിപ്പോര്‍ട്ട്. തുടര്‍ന്ന് കയ്യാമം അഴിച്ചുമാറ്റിയാണ് യാത്ര തുടര്‍ന്നത്. കയ്യാമം വെച്ചതിനെതിരെ പ്രതികള്‍ എറണാകുളം സബ്ജയില്‍ സൂപ്രണ്ടിന് പരാതിയും നല്‍കിയിട്ടുണ്ട്.