Qobustan rayon Ərəbşahverdi kəndi скачать в хорошем качестве

Qobustan rayon Ərəbşahverdi kəndi

Bu dəfə yolumuzu Qobustan rayon Ərəbşahverdi kəndindən saldıq. Sakinlərin çoxsaylı şikayətlərindən sonra bu kəndin problemlərini çəkib işıqlandırmaq qərarına gəldik. Kəndə gəlib çatdıqda həqiqətən də sakinlərin haqlı narazılıqları ilə qarşılaşdıq. Baxmayaraq ki, Qobustan rayon İcra Hakimiyyətinin başçısı cənab Adil Məmmədov ətrafını ona tərif yağdıran şəxslərlə əhatə etdirib və başçını da inandırıblar ki, rayonun kəndlərində hər şey qaydasındadı, sakinlər isə yağ-bal içində üzürlər. Amma nə edək ki, hər şey deyildiyi kimi yox, göründüyü kimidir. Görünür, bu kənd lap cənab başçının da yadından çıxıb. Kənd sakinləri səfalət içində, yolları isə bərbad gündədir. Sakinlər iddia edir ki, dəfələrlə rayon rəhbərliyinə müraciət etmələrinə baxmayaraq, həmişə onlara xoş yalanlarla ümidlərini qırmayacaq vədlər verilir. Yolsuzluqdan əziyyət çəkən sakinlər qış aylarında kəndə gəliş-gedişin mümkünsüz olduğunu bildirirlər. Kəndin dərdi bununla da bitmir. Sakinlərdən biri bizimlə söhbətdə kənddə suyun da olmadığını bildirdi: “Yezidə lənət, kəndimizdə su da tapılmır. Maşınla su alırıq, o da ki, od qiymətinə. Yay aylarında isə susuzluqdan alışıb yansaq da odu söndürməyə bir qaşıq su tapılmır”. Rayon məmurları bu mövzuda da xoş yalanlarından qalmayıb. Artıq illərdir ki, rayon sakinlərini ilbəil ümidləndirərək aldatmağı bacarırlar. Ümid edirik ki, Ərəbşahverdi kəndi üzümüzə gələn ili problemsiz qarşılayacaq və dövlət tərəfindən Qobustan rayonuna ayrılan vəsaitlər düzgün istiqamətlərə yönləndirilib vətəndaşların problemlərini həll edəcəklər.