სალომე ზურაბიშვილმა რუსთაველზე შეკრებილ მოქალაქეებს სიტყვით მიმართა скачать в хорошем качестве

სალომე ზურაბიშვილმა რუსთაველზე შეკრებილ მოქალაქეებს სიტყვით მიმართა

სალომე ზურაბიშვილმა, საქართველოს დამოუკიდებლობის აღდგენის რეფერენდუმის დღეს, რუსთაველზე შეკრებილ მოქალაქეებს სიტყვით მიმართა👇 "თქვენთან ერთად დგას საქართველო, დგანან ჩვენი ისტორიის ყველა დროის გმირები, დგანან 31 მარტის მოთავეები, ზვიადი და მერაბი, და გვესმის მათი ძახილი: „მოესწრებით იმ დროს, როცა საქართველო თავისუფალი გახდება ! მაგრამ იცოდეთ, თუ მაშინაც, დამოუკიდებელ ქვეყანაში, თავისუფლებისთვის შეწყვეტთ ბრძოლას, ამ თავისუფლებას დაკარგავთ თქვენც და ქვეყანაც”. თქვენ განაგრძობთ იმ ბრძოლას, რომელიც არასოდეს შეგვიწყვეტია – ხან დამოუკიდებლობისთვის, ხან თავისუფლებისთვის და ყოველთვის სამართლიანობისთვის! ისიც უნდა ვიცოდეთ, რომ გამოსული ადამიანების რაოდენობით არ იზომება პროტესტის ძალა! 4 თვის შემდეგ, მხნედ დგომაა ზუსტი საზომი. ერთი ქალის ხმა – “ცეცხლი ოლიგარქიას!” – არის ზუსტი საზომი! ერთი დედის შეუპოვარი და დინჯი გამძლეობა – ნამდვილი საზომია! მთავარ კითხვაზე, თუ რამდენ ხანს გაძლებს და როგორ დავამარცხოთ ეს რუსული რეჟიმი, ავტორიტარიზმი, როგორ დავაბრუნოთ ქვეყანა ჩვენს მიერ არჩეულ გზაზე, პასუხი სწორედ ამ საყრდენების დასუსტებასა და ჩამოშლაშია. ეს არის არა ძალადობრივი ბრძოლის რთული, ალბათ, გრძელი, მაგრამ საბოლოოდ წარმატებული გზა, რომელიც საქართველოს სამშვიდობოს გაიყვანს. მიზნის მისაღწევად საჭიროა, ამ ბრძოლას ქუჩის პროტესტთან ერთად და მასთან შეჯერებით, მიეცეს პოლიტიკური ფორმატიც. ამიტომ შევთავაზე და დღეს თქვენს წინაშე საჯაროდ ვაცხადებ, რომ შეიქმნას პროევროპული პოლიტიკური სპექტრის მონაწილეობით – „წინააღმდეგობის პლატფორმა“. ამ პლატფორმის მთავარი პრინციპი ის არის, რომ იგი ღიაა ყველა პროევროპული პარტიისა და ჯგუფისთვის, რომლებიც მზად არიან გვერდზე გადადონ პოლიტიკური შეუთავსებლობები და ბოლომდე გაიზიარონ პროტესტის ორივე მთავარი მიზანი: 1.დაინიშნოს ახალი და თავისუფალი არჩევნები; 2. გათავისუფლდნენ სინდისის პატიმრები."