ពិធីប្រគល់បន្ទប់ និងកុំព្យូទ័រលើតុ និងកុំព្យូទ័រយួរដៃ ដើម្បីលើកកម្ពស់ការអប់រំឌីជីថល скачать в хорошем качестве

ពិធីប្រគល់បន្ទប់ និងកុំព្យូទ័រលើតុ និងកុំព្យូទ័រយួរដៃ ដើម្បីលើកកម្ពស់ការអប់រំឌីជីថល

ខេត្តកំពង់ឆ្នាំង៖ អនុវិទ្យាល័យតាំងក្រសាំង ដែលជាសាលារៀនគោលដៅស្ថិតនៅក្នុងភូមិត្បែងខ្ពស់ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង បានទទួលអំណោយជាកុំព្យូទ័រលើតុក និងប្រភេទកុំព្យូទ័រ Laptop យួរដៃ (គិតជាតម្លៃទឹកប្រាក់សរុប ១១៧៣១ ដុល្លារអាមេរិក) ពីគម្រោងលើកកម្ពស់លទ្ធភាពជំនាញការងារ និងការធ្វើចំណាកស្រុកប្រកបដោយប្រសិទ្ធភាពដល់យុវជនកម្ពុជា (ប៊ីអឹម ហ្ស៊ិត ស្លាស់ រីក) និងប្រតិបត្តិដោយអង្គការសកម្មភាពសម្រាប់ការអប់រំនៅកម្ពុជា (ខេប) កាលពីថ្ងៃទី១២ ខែកញ្ញា ឆ្នាំ២០២៥ កន្លងទៅ។ ពិធីប្រគល់បន្ទប់ និងកុំព្យូទ័រលើតុក និង Laptop ត្រូវបានរៀបចំធ្វើឡើងនៅមណ្ឌលសិក្សាជំនាញកុំព្យូទ័រនៃ អនុវិទ្យាល័យតាំងក្រសាំង ក្រោមអធិបតីភាពដ៏ខ្ពង់ខ្ពស់របស់លោក សុខ សុន្ធីរ អភិបាលរងនៃគណៈអភិបាលស្រុកទឹកផុស ខេត្តកំពង់ឆ្នាំង ដោយមានវត្តមាននិមន្តចូលរួមពីព្រះសង្ឃជាប្រធានកិត្តិយស លោក សូ ផាន សមាជិកក្រុមប្រឹក្សាឃុំតាំងក្រសាំង និងជាប្រធានគណៈកម្មការគ្រប់គ្រងសាលា លោក ទុំ ទីតូណា ប្រធានគម្រោង (ប៊ីអឹម ហ្ស៊ិត ស្លាស់ រីក) ព្រមទាំងសហការី លោកមេភូមិ លោកនាយក នាយករង លោកគ្រូអ្នកគ្រូ និងសិស្សានុសិស្សនៃអនុវិទ្យាល័យតាំងក្រសាំង។