ਜ਼ਮਾਨਤਾਂ, ਕਲੀਨ ਚਿੱਟਾਂ ਅਤੇ ਡੇਰਿਆਂ ਨੇ ਮਘਾਈ ਪੰਜਾਬ ਦੀ ਸਿਆਸਤ скачать в хорошем качестве

ਜ਼ਮਾਨਤਾਂ, ਕਲੀਨ ਚਿੱਟਾਂ ਅਤੇ ਡੇਰਿਆਂ ਨੇ ਮਘਾਈ ਪੰਜਾਬ ਦੀ ਸਿਆਸਤ

ਇੱਕ ਪਾਸੇ ਕਿਹਾ ਜਾ ਰਿਹਾ ਹੈ ਕਿ ਮੁੱਖ ਮੰਤਰੀ ਨੂੰ ਸ਼ੋਭਾ ਨਹੀਂ ਦਿੰਦਾ ਮਹਾਂਪੁਰਖਾਂ ਉਤੇ ਤੰਜ ਕਸਣਾ ਤਾਂ ਦੂਜੇ ਪਾਸੇ ਪੁਛਿਆ ਜਾ ਰਿਹਾ ਹੈ ਕੀ ਮਹਾਂਪੁਰਖਾਂ ਨੂੰ ਸ਼ੋਭਾ ਦਿੰਦਾ ਹੈ ਨਸ਼ੇ ਦੇ ਅਰੋਪੀਆਂ ਨੂੰ ਇੰਝ ਕਲੀਨ ਚਿੱਟ ਦੇਣਾ।ਇਹੀ ਰਾਮ ਰੌਲ਼ੇ ਨੇ ਪੰਜਾਬ ਦੀ ਸਿਆਸਤ ਨੂੰ ਮਘਾ ਦਿੱਤਾ ਹੈ।ਪਰ ਇਹ ਇੱਕ ਤੋਂ ਬਾਅਦ ਇੱਕ ਡੇਰੇ ਦਾ ਇਸਤੇਮਾਲ ਪੰਜਾਬ ਦੀ ਸਿਆਸਤ ਨੂੰ ਕਿਸ ਦਿਸ਼ਾ ਵਿੱਚ ਲੈਕੇ ਜਾਵੇਗਾ,ਇਸ ਦੀ ਚਰਚਾ ਕੋਈ ਨਹੀਂ ਕਰ ਰਿਹਾ। ਪਹਿਲਾਂ ਡੇਰਾ ਸੱਚਾ ਸੌਦਾ ਅਤੇ ਉਸ ਤੋਂ ਵੀ ਲੰਮਾ ਸਮਾਂ ਪਹਿਲਾਂ ਨਿਰੰਕਾਰੀਆਂ ਨਾਲ ਵਿਵਾਦ,ਇਸ ਸਿਆਸਤ ਤੋਂ ਪੰਜਾਬ ਨੇ ਨੁਕਸਾਨ ਹੀ ਝੱਲੇ ਹਨ,ਕੋਈ ਲਾਹਾ ਨਹੀਂ ਖੱਟਿਆ ਹੈ। ਹੁਣ ਜਦੋਂ ਇਕ ਵਾਰ ਫੇਰ ਭਾਜਪਾ ਡੇਰਾ ਸਿਰਸਾ, ਡੇਰਾ ਸੱਚਖੰਡ ਬੱਲਾਂ ਅਤੇ ਡੇਰਾ ਬਿਆਸ ਦੀ ਮੱਦਦ ਨਾਲ ਪੰਜਾਬ ਦੀ ਸਿਆਸਤ ਵਿੱਚ ਪੈਰ ਜਮਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਤਾਂ ਇਹ ਸਵਾਲ ਖੜ੍ਹੇ ਹੁੰਦੇ ਹਨ ਕੀ ਇਸ ਵਾਰ ਸਿੱਟੇ ਕੁੱਝ ਵੱਖਰੇ ਹੋਣਗੇ ? ਪਰ ਇਹਨਾਂ ਸਿੱਟਿਆਂ ਦਾ ਫ਼ਿਕਰ ਕਰਨ ਦੀ ਥਾਂ ਤੇ ਬਿਕਰਮ ਮਜੀਠੀਆ ਦੀ ਜ਼ਮਾਨਤ ਦੇ ਜਸ਼ਨ ਮਨਾਏ ਜਾ ਰਹੇ ਹਨ।ਇਹ ਜ਼ਮਾਨਤ ਕਿੰਨ੍ਹਾਂ ਸਮਝੋਤਿਆਂ ਤਹਿਤ ਹੋਈ ਹੈ ਇਸ ਦਾ ਜ਼ਿਕਰ ਕੋਈ ਨਹੀਂ ਕਰ ਰਿਹਾ।ਪਰ ਕਰੇ ਵੀ ਕੌਣ, ਜਦੋਂ ਆਪਣੇ ਆਪ ਨੂੰ ਪੰਥਕ ਕਹਿਣ ਵਾਲੇ ਆਗੂ ਬੱਚਿਆਂ ਦੇ ਰਿਸ਼ਤੇ ਇਹਨਾਂ ਡੇਰਿਆਂ ਦੇ ਘਰਾਂ ਵਿੱਚ ਕਰਨ ਅਤੇ ਲੋਕਾਂ ਨੂੰ ਇਹ ਸਮਝਾਉਣ ਕਿ ਡੇਰਿਆਂ ਨੇ ਪੰਥ ਦਾ ਨੁਕਸਾਨ ਕੀਤਾ ਹੈ ਅਤੇ ਫੇਰ ਵੀ ਲੋਕ ਉਹਨਾਂ ਮਗਰ ਲੱਗ ਜਾਣ ਤਾਂ ਪ੍ਰਸ਼ਨ ਕਿਸ ਨੇ ਪੁੱਛਣੇ ਹਨ।