Թամար տատ - Բոստընչու գովքը (Մեր երգերը և մենք) скачать в хорошем качестве

Թամար տատ - Բոստընչու գովքը (Մեր երգերը և մենք)

«Մեր երգերը և մենք» նախաձեռնության նպատակն է տարածել մեր մաքրամաքուր ժողովրդական երաժշտությունը։ Նախաձեռնության կողմից յուրաքանչյուր ամիս կազմակերպվում են ազգային երգերի բաց դասեր։ Այս անգամ երգում էինք ժողովրդական երգերի գիտակ, քայլող գանձարան, երգասաց Թամար տատի հետ միասին։ Ծնունդով ապարանցի Թամարա Հակոբյանը վանեցի Կոմիտասի ու մշեցի Հասմիկի աղջիկն է: Ջրի պես զուլալ ձայնով Թամար տատը եղել է Ապարանում շատ հայտնի «Մասունք» և «Կանթեղ» համույթների մեներգչուհին, ներկայումս էլ տատիկի քաղցր ձայնն ու ներկայությունը վայելել կարող ենք «Տոնացույց» ժողովրդական թատրոնում։ Բոստանչին հարսանեկան ծեսի ժամանակ շատ կարևոր դեր է ունեցել, պատմում է Թամար տատը։ Նա երգելով-պարելով զարդարում էր հարսանեկան զամբյուղը մրգերով, բանջարեղեններով, կանաչեղենով ու նվեր անում հարս ու փեսային, ապա նաև այս երգով գովում նրանց։ Բոստընչու գովքը Բարով մուրազներիդ խասնիք, Գովամ խարսին, նորափեսին, Ծլեք-ծաղկեք աշխարհ լցնեք, Գովամ խարսին, նորափեսին։ Նորափեսեն նման բարդի, Գլխին դրած գարաբալդի, Բացված քանց մայիսյան վարդ, Գովամ խարսին, նորափեսին։ Նորախարսը ղամար լուսնակ, Աչիկ փար – փար քանց արեգակ, Բոյը սուջա բարձր ու բարակ, Գովամ խարսին, նորափեսին։ «Մեր երգերը և մենք» նախաձեռնության ֆեյսբուքյան էջը՝   / hayerg   Տելեգրամ ալիքը՝ https://t.me/oursongsandwe Ինստագրամում՝ we_and_our_songs