Avtomobili geri qaytardı, 6400 manat borc yazıldı - Baku TV скачать в хорошем качестве

Avtomobili geri qaytardı, 6400 manat borc yazıldı - Baku TV

Avtomobili geri qaytardı, 6400 manat borc yazıldı - Baku TV Vətəndaş Vüqar İbrahimov iddia edir ki, Babək prospekti, 74 ünvanında yerləşən, “Changan”ın Azərbaycandakı rəsmi distribütoru olan “Azərbaycan Avtomobil Evi”ndən aldığı maşında qısa müddət sonra nasazlıqlar yaranıb. Onun sözlərinə görə, avtomobilin sürətlər qutusunda problem, şüşə silən mexanizmində nasazlıq və monitorun işləməməsi kimi qüsurlar ortaya çıxıb. Şikayətçi bildirir ki, 14 gün ərzində avtosalonla əlaqə saxlayaraq maşını geri qaytarmaq istədiyini desə də, nə avtomobil geri götürülüb, nə də dəyişdirilib: “Mənim hüquqlarım pozulub. Maşını alandan sonra qüsurlar yarandı. Deyirlər ki, avtomobili 3800 kilometr sürdüyüm üçün istifadə olunub və buna görə 6400 manat ödəməliyəm”. Azad İstehlakçılar Birliyinin sədri Eyyub Hüseynov isə qeyd edib ki, “İstehlakçıların hüquqlarının müdafiəsi haqqında” Qanuna əsasən, bir çox mallar kimi, avtomobillər də zəmanət müddəti ərzində zavod və ya istehsal qüsuru aşkar edildikdə dəyişdirilə və ya geri qaytarıla bilər. Onun sözlərinə görə, istehlakçı Vüqar İbrahimov bu hüquqdan istifadə etmək istəsə də, ondan əlavə vəsait tələb olunub: “Təəssüf ki, Azərbaycanda biznes qurumları üçün yaradılmış əlverişli şəraitdən bəzi hallarda sui-istifadə edilir”. Məsələ ilə bağlı Antiinhisar və İstehlak Bazarına Nəzarət Dövlət Agentliyindən bildirilib ki, “İstehlakçıların hüquqlarının müdafiəsi haqqında” Qanuna əsasən, istehlakçı zəmanət müddəti ərzində aldığı malda qüsur aşkar etdikdə öz istəyinə uyğun olaraq satıcıdan malın dəyişdirilməsini, müqavilənin ləğvini və çəkdiyi zərərin ödənilməsini tələb etmək hüququna malikdir. Qurumdan qeyd olunub ki, satıcı keyfiyyətsiz malı istehlakçıdan geri götürməyə borcludur. Nazirlər Kabinetinin təsdiq etdiyi qaydalara əsasən, lazımi keyfiyyətdə olmayan mal geri qaytarılarkən onun tam və ya qismən istifadə olunması nəticəsində dəyərinin azalması və digər bu kimi səbəblərlə ilkin ödənilmiş puldan hər hansı məbləğin çıxılması tələb edilə bilməz. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Avtomobili geri qaytardı, 6400 manat borc yazıldı - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #avtomobilborcu #avtomobil #borc baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan