租一棟唐樓開Café書店辦活動 「就當喺香港發最後一場夢」 скачать в хорошем качестве

租一棟唐樓開Café書店辦活動 「就當喺香港發最後一場夢」

【獨媒報導】想像一下，某日你的另一半傳了張照片給你，相中是一棟5層高的唐樓，還附上一句：「這是我一直深深念念的一棟唐樓！」你會如何回覆？霍文芔（Sonya）笑著投訴：「佢已讀不回！」旁邊的林輝（Fred）則一臉淡定：「你覺得我可以覆咩？」「你覆一個emoji都好！」「我可以覆咩emoji⋯⋯」 熱愛旅行的兩位，三年前因疫情被困於香港，連本身經營的旅遊公司也要暫時停運。移民潮下，他們思考過去留，最終在深水埗開設旅行主題餐廳Lonely Paisley，供應各地美食之餘也辦社區及文藝活動。不過餐廳空間有限，林輝一直想尋找更大的地方，一圓開「旅行書店」的夢。 直至去年3月，Sonya提出租下一棟樓的瘋狂想法。林輝於是在尼泊爾三、四千米高海拔下一邊行山，一邊和青山道452號的業主傾租約。10月，渴喝開始試業，以旅行為主題，集書店、咖啡店與空間於一棟樓，舉辦的活動包羅萬有，講座、地攤、工作坊、Running Date⋯⋯Sonya說：「呢幾年聽好多人講，覺得留喺香港好攰、好唔開心，或者好悶。我更加覺得，其實可以唔係咁，搞活動除咗希望大家覺得香港fun，我哋都想做多一啲活動，令到大家學識同自己和解。」 她形容，渴喝就如他們「一齊喺香港發嘅最後一個夢」，而公布這個「大project」後，兩人收到很多訊息或者電郵，感謝他們用行動證明「原來喺香港仲可以發夢」。Sonya說自己已經贏了：「原來可以俾留喺度嘅人一個能量、俾到人一個希望，原來我哋仲可以好好生活⋯⋯所以我睇得好開，接下來我哋就繼續做自己想做嘅事，繼續搞自己想搞嘅活動。」 全文：https://bit.ly/4hme16q