Скачать с ютуб საგაზაფხულო სამხედრო გაწვევა в хорошем качестве

საგაზაფხულო სამხედრო გაწვევა

სამხედრო სავალდებულო სამსახურში საგაზაფხულო გაწვევა დაიწყო. გაწვევის პროცესს კოორდინაციას საქართველოს რეგიონული განვითარებისა და ინფრასტრუქტურის სამინისტრო უწევს. დღეს, საქართველოს რეგიონული განვითარებისა და ინფრასტრუქტურის მინისტრი რამაზ ნიკოლაიშვილი, რომელიც ამავდოულად ცენტრალური გამწვევი კომისიის თავმჯდომარეა, წვევამდელთა შემკრებ-გამანაწილებელი პუნქტის რეაბილიტირებულ შენობაში საგაზაფხულო გაწვევის დაწყებასთან დაკავშირებით სამედიცინო-საექსპერტო კომისიის წევრებს შეხვდა და გაწვევასთან დაკავშირებული საკითხები განიხილა, რის შემდეგაც მინისტრმა მედიისთვის ბრიფინგი გამართა. სავალდებულო სამხედრო სამსახურში გაწვევას 18-დან - 27 წლამდე ასაკის მოქალაქეები ექვემდებარებიან, რომლებიც იმყოფებიან სამხედრო აღრიცხვაზე და არ აქვთ, გადავადების ან გათავისუფლების უფლება. მიმდინარე წლის გაზაფხულზე სულ 4400-მდე წვევამდელის გაწვევა მოხდება, რითაც მთლიანად დაკომპლექტდება საქართველოს სასჯელაღსრულებისა და პრობაციის, თავდაცვის და შინაგან საქმეთა სამინისტროების მოთხოვნები. ამჟამად, პრეზიდენტის ბრძანებულების მიხედვით გაწერილი პროცედურების შესაბამისად, მიმდინარეობს მოსამზადებელი სამუშაოები და წვევამდელთა სამედიცინო შემოწმება. აღნიშნული სამუშაოების დასრულების შემდეგ კი, 15 თებერვლიდან წვევამდელთა ჩარიცხვების პროცესი დაიწყება.