श्री सद्गुरू शंकर महाराजांचा खिचडी प्रसाद ! скачать в хорошем качестве

श्री सद्गुरू शंकर महाराजांचा खिचडी प्रसाद !

श्री स्वामी समर्थ श्री सद्गुरू संतवर्य योगिराज शंकर महाराज समाधी ट्रस्ट, पुणे सातारा रोड, धनकवडी पुणे ४३ येथे शंकर महाराजांचे समाधी स्थान (मठ) असून महाराजांचे हजारो भक्त दररोज येथे दर्शनासाठी येत असतात. सोमवार, गुरुवार व दुर्गाष्टमीस मठात दर्शन व महाप्रसादासाठी मोठी गर्दी असते. भव्य प्रसादालय असलेल्या इमारतीचे काम पूर्ण झाले असून तेथे कालादालन, दवाखाना, बालवाडी तसेच अन्नदान, महाप्रसाद इतर सामाजिक उपक्रम राबवले जातात. महाराष्ट्र शासनाच्या अन्न व औषध विभागकडे नोंदणीकृत अशा अद्ययावत स्वयंपाक घरात प्रसादाची खिचडी कशी तयार होती ते आपण या व्हिडीओत पाहणार आहोत. श्री शंकर बाबांचे खिचडी पायसदान म्हणजेच सर्वार्थाने महाराजांच्या अखंड अन्नदान यज्ञांतील अवशिष्ट प्रसाद. डॉक्टर धनेश्वर व योगी ज्ञाननाथजी यांनी सांगितलेल्या अनुभवानुसार समाधीपूर्वी महाराज देहधारी असताना त्यांनी सर्व भक्तांना बोलावून मी तुम्हाला खिचडी खायला घालणार आहे असे सांगितले. त्या दिवशी त्यांनी स्टोव्हवर मोठे पातेले ठेवून स्वहस्ते खिचडी शिजवली. तो प्रसाद प्रत्येकाला द्रोण भरभरून दिला आणि सर्वाना आपल्या समक्ष खायला लावला. खरोखरच महाराजांनी स्वहस्ते केलेल्या खिचडीला अमृताचीच उपमा आहे. लाखो भक्तांनी दिलेल्या रोख व शिधारूपी दानातून बनविलेल्या अशाच खिचडीचा प्रसाद आज देखील सर्व भक्त महाराजांच्या मठात अनुभवतात. खचितच समाधीच्या सानिध्यामुळे या खिचडीप्रसादास एक अलौकिक अधिष्ठान प्राप्त होते. दररोज दिवसभर हजारो भक्त या खिचडी प्रसादाचा लाभ घेतात. साहजिकच मठातील कर्मचारी व सेवेकरी या खिचडीची गुणवत्ता राखण्यासाठी सतत तत्पर असतात. मठाचे व्यवस्थापन श्री सद्गुरू संतवर्य योगीराज शंकर महाराज समाधी ट्रस्ट नोंदणी क्र. ए ७९३ पुणे यांचे तर्फे करण्यात येते. जय शंकर