രാജകുമാരിയിലെ ചണച്ചാക്ക് വാട്ടര്‍ടാങ്കുകള്‍ скачать в хорошем качестве

രാജകുമാരിയിലെ ചണച്ചാക്ക് വാട്ടര്‍ടാങ്കുകള്‍

ഹരിതകേരളം മിഷൻ സംഘടിപ്പിച്ച ജലസംഗമത്തിലൂടെയാണ് ഇടുക്കിയിലെ രാജകുമാരി ഗ്രാമപ്പഞ്ചായത്തിന്റെ ചണച്ചാക്ക് വാട്ടര്‍ടാങ്കുകള്‍ ശ്രദ്ധേയാകര്‍ഷിച്ചത്. താരതമ്യേന വളരെ ലളിതവും ചെലവുകുറഞ്ഞതുമായ ജലസംഭരണ മാര്‍ഗമാണ് ഇതിലൂടെ ലഭ്യമാകുന്നത്.പച്ചക്കറിക്കൃഷിക്കും മല്‍സ്യക്കൃഷി(അക്വാഫോണിക്‌സ്)ക്കും ജലസംഭരണത്തിനുമെല്ലാം വളരെ അനുയോജ്യമാണ് ഈ ചാക്ക് ടാങ്കുകള്‍. ലാന്‍ഡ് സ്‌കേപ്പ്, സേഫ് പോണ്ട്, ഫാം പോണ്ട്,മല്‍സ്യക്കുളം എന്നിങ്ങനെ നാല് മോഡലുകളില്‍ ഇവ നിര്‍മ്മിക്കാവുന്നതാണ്. 20,000ലിറ്റര്‍ വെള്ളം ഉള്‍ക്കൊള്ളുന്ന ഒരു ചണച്ചാക്ക് വാട്ടര്‍ടാങ്ക് നിര്‍മ്മിക്കാന്‍ ചെലവാകുന്നത് 16,350 രൂപ മാത്രമാണ്. 90 ചണച്ചാക്കുകളും 15 ചാക്ക് സിമന്റും പത്ത് കിലോ വൈറ്റ് സിമന്റും ലേബര്‍ ചാര്‍ജിനത്തില്‍ 8400 രൂപയും നല്‍കിയാല്‍ നാലരമീറ്റര്‍ നീളവും മൂന്ന് മീറ്റര്‍ വീതിയും ഒന്നര മീറ്റര്‍ ആഴവുമുള്ള വാട്ടര്‍ ടാങ്ക് റെഡി. രാജകുമാരി ഗ്രാമപ്പഞ്ചായത്തിലെ 14 വാര്‍ഡുകളിലും ഒന്നു വീതം ചണച്ചാക്ക് വാട്ടര്‍ ടാങ്കുകള്‍ നിര്‍മ്മിച്ചിട്ടുണ്ട്. ഇവയെ പരിചയപ്പെടുത്തിയതോടെ 16 കര്‍ഷകരും സ്വന്തം നിലയില്‍ ഇത്തരം വാട്ടര്‍ടാങ്കുകളുണ്ടാക്കി. കൂടുതൽ വിവരങ്ങൾക്ക് ബന്ധപ്പെടുക : ജോണ്‍സണ്‍ (കൃഷി ഓഫിസര്‍) - 94464 10051