- cumintzamus dae nois - Akru ( Iscola Orizinale Nugoresa ) скачать в хорошем качестве

- cumintzamus dae nois - Akru ( Iscola Orizinale Nugoresa )

No fimus gai prima de totu s' ambaradan, prima 'e votare zente pro interessu de su clan, ca chie at connotu sas resones connoschet sas votatziones, de dare su tronu in cambiu de piacheres e sistematziones, ello!? a ube est cussu populu caente? in intro de totu sas barzelletas a facher su molente, caras umbradas colan artziande s'iscudu, aghera de far west ma chin s'opressore mudu, amus tocau su fundu rinnegande s'apartenentzia chenza una dinnidade, commo pro torrare a naschire sevit fintzas unu movimentu culturale, istamus totus a bisiones in mesu a su fumu, pacande chin murrunzu sa neche de carchi d'unu, chin su bichinu mancari de animu barrosu e brigantinu, chin chie est potente tirandeche su bonete fachendeli s' ispuntinu, totu cosas chi nos riguardan a sas cales no damus contu, picaos dae jochicheddos trazaos intr' 'e su sonnu tontu, nos pican su poddiche lis damus su bratzu, si frican sas manos meres e professionistas de s'intrallatzu, mentres acasazamus chin cantos e ballos carchi ateru paliatzu nobu, pican prammu a prammu e si godin su cossolu, cada unu pro su santu suo chircandesi s'ocasione, poi naran puru chi bi cheret zente chi si ponet! firmos a "cale milliardos cherjo milliones!", galu bendende sa terra de sos eroes, est s' instauratzione de sa leze 'e sa rapina, arribba su colonu fatu a nobu chin sa guida, ghetat duos ossos e sichit a progher ube fit proghiu prima. Nois tropu ocupaos a chircare de nde ghetare a s'immigrau, su beru privilegiau tenet in istrada cuddu mitra chi t' an puntau, e s' est postu de acordu chin su barone a su cale ti ses dau, t' an inculau e ses cuntentu comente si t' an premiau, bastat azicu 'e lutzichìu pro che cumbincher a tzeder sa risorsa, sa casta de fora chin cudda nostra acatona servidora e fata a posta, menzus nos incurpamus de jucher custu sambene malaitu, intrapulaos in intro de jocos de ispricu, tando gherra fra poveros chin su ratzismu in pompa magna, batinde contributu a chie fachet desertu e sicagna, unu prantu issupra continu chi frastimat su castigu, picandenolla chin su diaulu 'e destinu, e nois chi fimus fatos de corazu e abilidade, sa frebe de s'Italia chin cumplesos de inferioridade, in bidda tot' intregos ma serramus un ocru a su fatu chi semus presos, chi s' an picau totu e lassau sos pesos, bidimus limusina cantamus vitoria, botinu grassu a sos pianos de susu e nois in graduatoria, s' an picau ascaros e capos de comunidade, ca est custu s' istile de manuale pro ch' intrare, nois a lis dare cara e a lis sonare su sonete, arrustinde su porcheddu e buddindeli sa berbeche, su populu 'e bandios trasformau in comitaos de benebenniu, manicada sa foza baratan domo pro istipendiu.