បណ្ឌិត ឆោម គន្ធា បាឋកថា៖ «ព្រះពុទ្ធសាសនានិងមន្ទីរព្យាបាលរោគក្នុងរាជព្រះបាទជយវម៌្មនទី៧» វគ្គ​១ скачать в хорошем качестве

បណ្ឌិត ឆោម គន្ធា បាឋកថា៖ «ព្រះពុទ្ធសាសនានិងមន្ទីរព្យាបាលរោគក្នុងរាជព្រះបាទជយវម៌្មនទី៧» វគ្គ​១

ព្រះបាទជយវម៌្មនទី៧ជាព្រះមហាក្សត្រសម័យអង្គរដ៏ល្បីល្បាញ។ ទិដ្ឋភាពពីរលេចធ្លោជាងគេក្នុងរាជ្យរបស់ព្រះអង្គគឺ ព្រះពុទ្ធសាសនា និងមន្ទីរព្យាបាលរោគ។ ទាំងព្រះពុទ្ធសាសនា ទាំងមន្ទីរពេទ្យគឺជាប្រធានបទដែលគេសិក្សាតាំងពីជាងមួយសតវត្សមកហើយ ។ នៅក្នុងបាឋកថានេះ យើងខ្ញុំនឹងបង្ហាញថា ទាំងព្រះពុទ្ធសាសនាទាំងវិជ្ជាពេទ្យ គឺជាចំណេះដែលខ្មែរបានទទួលពីស្រុកឥណ្ឌា ប៉ុន្តែទទួលរងឥទ្ធិពលខ្មែរបន្តិចម្តងៗ រហូតដល់រាជ្យព្រះបាទជយវម៌្មនទី៧ ទើបយើងប្រទះឃើញសិលាចារឹកជាភាសាខ្មែរនិងសំស្ក្រឹតច្រើនល្មមអាចឱ្យយើងបកស្រាយឥទ្ធិពលនេះបានកាន់តែច្បាស់។ បន្ថែមលើទិន្នន័យអក្សរចារឹក យើងខ្ញុំនឹងបង្ហាញតាមរយៈការស្រាវជ្រាវថ្មីៗ ភស្តុតាងបុរាណវិទ្យា ស្ថាបត្យកម្មនិងចម្លាក់រឿងតាមថែវប្រាសាទទាក់ទងនឹងការព្យាបាលរោគនិងការងារសង្គមកិច្ចនៅសម័យបុរាណ។ ដូច្នេះ បើចង់ជ្រាបកាន់តែច្បាស់អំពីបាឋកថាស្តីអំពី «ព្រះពុទ្ធសាសនានិងមន្ទីរព្យាបាលរោគក្នុងរាជព្រះបាទជយវម្ម៌នទី៧» នោះ អាជ្ញាធរជាតិអប្សរាសូមគោរពអញ្ជើញឯកឧត្តម លោកជំទាវ លោក លោកស្រី មន្ត្រី បុគ្គលិកគ្រប់ស្ថាប័ន អ្នកស្រាវជ្រាវ សិស្សាុនុសិស្ស និងសាធារណជនទាំងអស់ ចូលរួមសិក្សា ស្តាប់បាឋកថានេះដើម្បីស្វែងរកប្រយោជន៍ក្នុងការបង្កើនចំណេះដឹងដោយមេត្រី។ បាឋកថានេះ ធ្វើបទបង្ហាញដោយបណ្ឌិត ឆោម គន្ធា និងសាស្ត្រាចារ្យ អ៊ឺម សុខរិទ្ធី នៅថ្ងៃទី១៣ ខែកញ្ញា ឆ្នាំ២០១៩ វេលាម៉ោង៩ៈ០០នាទីព្រឹក ដល់ម៉ោង១២ៈ០០នាទីថ្ងៃត្រង់ នៅសាលសន្និសីទអង្គរ នៃមជ្ឈមណ្ឌលអាជ្ញាធរជាតិអប្សរា៕ Welcome to Sotha yi Channel សូមស្វាគមន៍មកកាន់ Channel YouTube យើងខ្ញុំ។ សូមចុច Subscribe ដើម្បីទទួលបានវីដេអូថ្មីៗបន្តទៀត៕