‏ ⁧‫ скачать в хорошем качестве

‏ ⁧‫

مواري مغيب الشمس ماترحم المحتار لا مالت وزادت فيه شكه و برهانه تقول ان بين الارض والشمس خمس امتار ومن دونها ليل العنا يسحب اردانه وبعد ماتوارت شمس يومه عن الانظار وقف وقفت الي فاقداً خيرة اخوانه سلامتك ياراس المهوجس من الافكار تهاوت عليك بيوت الابداع طربانه وانا والله ان فكري مثل نادر الاحرار على هدته ما افلس ليا ضف جنحانه ضربت الدروب الكايده بأول المشوار يالين اتضح لي زود عزمي ونقصانه ولقيت اني الي يقسم الضلع ياسنجار ويزحزح عليك طويق ويحطك وزانه وعن اللازمه مافيه صده ولا معذار هذا الماقف الي نرخص العمر من شانه ياسالم عساك من الصواديف دوم مجار وعسى الله يتمم سعيك وتكسب رهانه ياذخر الرجال الي تراحيبهم مدرار على صدر مجلسهم وقدام بيبانه محلاتهم ماهيب تفضى من الخطار من الصبح لين الليل بالناس مليانه على نهج ابو هذال عون الخوي والجار وعون الفقير الي شكى دين ديانه ليا كبرت الدعوه على الي قصير هجار تعزوا بسم وضحى وشمر بذرعانه ولو مات ذكره حي ولا عليه غبار هل الطيب سمعتهم مع الناس رنانه عسى الله يبيحه عد ما هلّت الامطار وفي جنة الفردوس والخلد مسكانه هذولا الصيافا يوم الامجاد ما تختار سوى من يفك البوش من خيل عدوانه ليا من تعزوو عزوةً تقصف الاعمار على كل سرداً للأكاوين شفقانه بني عامر الي يوم شاروا على المحدار تمثنوا على نجد الشمالي ووديانه تحاموا على داراً لها هيبة الاخطار قبل يوخذ من الي طغى جملة اوطانه من يناطح جموع العوامر يده والحار قبل لا يضحي فيه طيشه وطغيانه من سبيع مجداً ما يضاهى وطيب اذكار يطريهم المجد الحقيقي على لسانه تواريخهم تكتب على شذرة البتار بدم العدا لا كشر الموت نيبانه يوم ان الحرايب كل ليله على الرادار وحوش الخلا من سطوة سبيع شبعانه