JINŻAMM ARRESTAT WARA LI WEĠĠA’ GRAVI LILL-KOPPJA WARA ĦABTA скачать в хорошем качестве

JINŻAMM ARRESTAT WARA LI WEĠĠA’ GRAVI LILL-KOPPJA WARA ĦABTA

ONE.COM.MT • Insegwi issa ġabra ta’ aħbarijiet mill-awli tal-Qorti. KITBA: EMAN PORTELLI FILMAT: BJORN BONELLO Mahmoud Mustara Mohammed Albadah, Libjan ta’ 25 sena, li jgħix is-Swieqi nżamm arrestat, wara li tressaq il-Qorti akkużat li weġġa’ gravi lil żagħżugħ u t-tfalja tiegħu wara ħabta bejn żewġ karozzi taħt il-mini ta’ San Ġiljan. Il-każ seħħ is-Sibt għall-ħabta tas-siegħa u nofs ta’ filgħodu taħt il-mini ta’ San Ġiljan, fi Triq Mikiel Anton Vassalli. Il-Prosekuzzjoni mmexija mill-Ispettur tal-Għassa ta’ San Ġiljan, Jean Paul Attard, spjegat li seħħ argument wara ħabta bejn żewġ karozzi. Meta l-Pulizija marru fuq il-post sabu diversi nies iferrqu l-akkużat u lill-vittma. Intqal kif l-imputat allegatament beda jxejjer bil-ponn lejn iż-żagħżugħ. Imbagħad allegatement il-Libjan dawwar xi ħaġa ma’ idejh u beda jagħti f’wiċċ l-imputat. Hawnhekk intqal kif l-għarusa tal-vittma ċemplet għall-għajnuna u beda jagħti daqqiet lilha wkoll. Intqal kif bl-istess ħaġa li kellu f’idejh allegatament ta’ daqqiet fuq il-karozza tal-akkużat. Il-Prosekuzzjoni qalet ukoll kif meta l-imputat ittieħed l-għassa ġie mitlub jagħmel test li juri jekk kienx xurban, iżda dan irrifjuta. Id-Difiża, immexxija mill-Avukati Franco Debono u Francesca Zarb, talbet għall-ħelsien mill-arrest tal-imputat. Il-Prosekuzzjoni oġġezzjonat minħabba l-gravità tal-każ u ntqal kif kiser il-kundizzjonijiet ta’ ħelsien mill-arrest fuq każ ieħor. Intqal kif f’dan il-każ hemm numru ta’ xhieda pajżana. Id-difiża qalet kif il-Pulizija anke se tkun qed tressaq l-allegati vittma, hekk kif l-imputat allega li huwa ġie aggredit. Il-Qorti ppreseduta mill-Maġistrat tal-Għassa ċaħdet it-talba tal-ħelsien mill-arrestat u b’hekk l-imputat baqa’ jinżamm arrestat fil-Faċilità Korrettiva ta’ Kordin. L-akkużat wieġeb mhux ħati għall-akkużi miġjuba kontrih. 6 XHUR ĦABS WARA LI PPRUVAW JAĦARBU B’DOKUMENTI TA’ ĦADDIEĦOR Raġel mill-Kosta tal-Avorju ta’ 33 sena u Eritrean ta’ 18-il sena ntbagħtu sitt xhur ħabs, wara li wieġbu ħatja li ppruvaw jitilqu minn Malta b’passaport Taljan ta’ ħaddieħor. Il-Prosekuzzjoni mmexxija mill-Ispettur tal-Immigrazzjoni Lara Butters spjegat kif is-Sibt, l-imputati ppruvaw jivvjaġġaw lejn Bergamo l-Italja, b’passaport u karta tal-identità Taljana, li kienu f’isem ħaddieħor.