Lo soldat desconegut - Claudi Martí скачать в хорошем качестве

Lo soldat desconegut - Claudi Martí

La grava a conflat mon ventre, La pluèja a manjat ma pèl. Es plan sofrir de pas mai èsser, L'eternitat, la cal conéisser, Vos pregui : cossí es lo solelh ? França, som mòrt a tas guerras, Rocroy, Verdun e Rivoli, Mòrt per pas res, plan mòrt, misèria, Per Loïs Catorze o Galliéni. Mon istòria totjorn se sembla : Me venián prener dins mon camp, Dins mon usina, o dins ma bòria. Per França ! disiá lo notable ; Per Dieus ! disiá lo capelan ... Coma ieu aqueles d'en fàcia Eran partits flor al fusilh. Ara, de tèrra plen la boca, Pòdon pas escampar lor crit. Sèm mòrts per los profitaires ! Sèm mòrts per engraissar los rics. Vergonha, vergonha vosautres, Enropats dins vòstres drapèus ! Venètz parlar a nòstra plaça Quand n'a besonh vòstre govèrn. Venduts, recoflats de messorgas, Calharetz lèu ! Calharetz lèu !