Petrit Vasili: Opozita të mos pengojë proceset që çojnë drejt integrimit evropian-(18 Mars 2012) скачать в хорошем качестве

Petrit Vasili: Opozita të mos pengojë proceset që çojnë drejt integrimit evropian-(18 Mars 2012)

Lajme Arkiva 2012 Nënkryetari i Lëvizjes Socialiste për Integrim, Petrit Vasili, komenton disa prej zhvillimeve të rëndësishme në vend, të pritshme ose në proces, të cilat angazhojnë klasën politike. Në krye të pak muajve do të jetë beteja për presidentin, e cila që herët ka prodhuar përplasje mediatike mes partive mbi mënyrën se si do të zhvillohet procesi. Por zoti Vasili thotë se nuk ka arsye pse procesi të mos zhvillohet sipas parashikimit kushtetues, që siç thotë në asnjë rast nuk imponon konsensus. Petrit Vasili: “Kushtetuta ndërton proces, kushtetuta nuk imponon konsensus, sepse kushtetuta ka lënë të gjithë hapësirën për zgjidhjen e saj sipas raundeve që ajo thotë, një zgjidhje e cila të jetë në respekt të plotë të kushtetutës dhe të vullneteve, por edhe të raporteve të forcave që ekzistojnë në parlamentin shqiptar. Kushtetuta nuk zhbën mazhorancat dhe rikrijon mazhoranca në parlamentin shqiptar, por i respekton ato, ndaj procesi konstruktiv ka në thelbin e tij një bashkëpunim edhe të opozitës, në qoftë se ajo nuk ka më arsye dhe motive te kandidaturat e paraqitura për të kundërshtuar, dhe në rast të kundërt, në rast se ajo mendon të obstruktojë deri në fund, është edhe në të drejtën e saj. Përgjithësisht kushtetuta ka hapur gjithë këtë mundësi për ta çuar procesin si duhet deri në fund dhe në përputhje të plotë me të.” Në lidhje me emrat që qarkullojnë si kandidatë të mundshëm për president, zoti Vasili e sheh të parakohshëm diskutimin, duke i mëshuar rëndësisë së procesit. Megjithatë, ai thekson se presidenti i ri do duhet t’i kthejë dinjitetin e munguar institucionit. Petrit Vasili: “Thelbi i qëndrimit të LSI-së për këtë çështje ka qenë ndërtimi i një procesi shembullor në pikëpamje kushtetuese, arritja dhe përzgjedhja e një kandidature dinjitoze për të rikthyer presidentin e duhur dhe të munguar në atë institucion të lartë. Procesi të jetë i përfshirë nga një frymë konstruktive dhe, ku në pikëpamjen time, përfundimisht, ashtu sikurse kushtetuta thotë, secila palë të bëjë rolin e saj: Pra mazhoranca të bëjë atë rol që ka, dhe opozita rolin e saj. Besoj që koha e “kapërcimit të kompleksuar” të këtyre pozicioneve, pra opozita që sillet si mazhorancë dhe anasjelltas, besoj që nuk ka vend dhe procesi i zgjedhjes së presidentit është pikërisht ky për të kristalizuar rolet dhe përgjegjësitë në respekt të plotë të kushtetutës.” Por krahas presidentit, LSI po monitoron me shumë vëmendje punën që po kryhet në komisionin e reformës zgjedhore. Zoti Vasili thotë se procesi duhet të garantojë në përfundim të tij atë çfarë është themelore: votën. Petrit Vasili: “Parametri me të cilin mbahet një reformë zgjedhore është dhe mbetet drejtësia e përfaqësimit të votës. Pra, do të thotë sa saktë përfaqësohet vota e çdo shqiptari dhe vullneti i tij në parlamentin e Shqipërisë. Sistemi që kemi ka defekte lidhur me këtë çështje dhe reforma zgjedhore është e thirrur atje pikërisht që t’u japë përgjigje këtyre çështjeve. Përsa kohë që nuk do ketë përgjigje të qarta për këtë çështje, sigurisht jo Lëvizja Socialiste për Integrim do të jetë e kënaqur ose e pakënaqur, por qytetarët shqiptarë do të jenë të shqetësuar se a përfaqësohet si duhet vota e tyre në parlament apo jo.” Reforma zgjedhore është një prej rekomandimeve që klasa politike duhet të përmbushë për të fituar statusin e kandidatit për në Bashkimin Evropian. Vendit iu refuzua për dy vite rresht ky hap i ri në marrëdhëniet me unionin për shkak të ngërçit politik. Nënkryetari i Lëvizjes Socialiste për Integrim është i bindur se kjo gjë nuk do të ndodhë këtë vit, me gjithë përplasjet e herëpashershme të mazhorancës dhe opozitës që kanë vënë në dyshim fatin e reformave të atyre që kërkojnë shumicë të cilësuar. Petrit Vasili: “Unë jam shpresëmadh që Tetori do jetë një muaj i lajmeve të mira për Shqipërinë, ku është prapë një mundësi rishqyrtimi, sepse besoj që një pjesë e problematikave është kapërcyer. Po janë demonstruar vullnete jo të pakta nga ana e opozitës për ta bërë këtë gjë. Nuk besoj që një opozitë të marrë fatura kaq të rënda përpara zgjedhjeve të vitit 2013, duke penguar sërish Shqipërinë me sjellje të papërgjegjshme që ajo të mos marrë statusin e kandidatit.” Në vitin 2013 do të mbahen zgjedhjet e përgjithshme parlamentare. Zoti Vasili, i cili është gjithashtu edhe anëtar i kabinetit Berisha si ministër i Shëndetësisë, thotë se strukturat e Lëvizjes Socialiste për Integrim do të marrin vendimin në kohën e duhur nëse do të jenë nën një koalicion me Partinë Demokratike edhe në këtë përballje elektorale./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/